Sawltak 19:1 - Tedim Bible

¹ Korin khua-ah Apollos a om laitakin Paul khual hong zinin Efesa khua hong tung hi. Tua khua-ah thu um mi pawlkhat tawh kimu a,

Tedim Bible Revision 2017

¹ 10 Korin khua ah Apollos a om laitakin Paul khual hong zinin Efesa khua hong tung hi. Tua khua ah thu um mi pawl khat tawh kimu a,

Sawltak 19:1 Referans Kwoze

1 KORIN MASA 16:12

I sanggam Apollos ahihleh, thu uppih sanggam dangte tawh no kiangah hong hawh nadingin ka hanthot zel hangin tu tadihin hong hawhpah ding lungtungzo nai lo hi. Ahi zongin hunhoih a ngah peuhpeuh ciangin hong pai ding hi.

1 KORIN MASA 1:12

Tua bang ka cih ciangin note pawlkhat in, “Kei, Paul’ pawl ka hi hi,” cihna ahi a, pawlkhat in, “Kei, Apollos’ pawl ka hi hi,” cihna ahi a, pawlkhat in, “Kei, Peter’ pawl ka hi hi,” cihna ahi a, pawlkhat in, “Kei, Khrih’ pawl ka hi hi,” cihna ahi zongin na kampaunate uh ka cihna ahi hi.

Sawltak 18:1

Tua khit ciangin Athen khua panin Paul paikhia-in Korin khua-ah a tung hi.

Sawltak 18:8

Kikhopna inn ukpa Krispas le a innsunga om mi khempeuh in Topa thu um uh a, Korin khua-a om midang tampite in zong thuhilhna ngai-in um uh a, tui a kiphum uh hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Sawltak 19:26

Nomau mahmah in hih Paul’ thugen khempeuh za-in na thei uh hi. Amah in mihingte’ bawl pasian-te pen pasian hi het lo hi, ci-in thu hilh a, hih Efesa khua le Asia gam sung khempeuhah mi tampi tak a umsak hi.

Sawltak 20:16

Paul in Jerusalem khua-ah Pentekos Pawi hun lapnuam ahih manin Asia gam sungah ban man dingin ngaihsun lo a, Efesa khua-ah taam sawm lo hi.

Sawltak 20:18

Efesa pawlpi upate hong tun ciangin Paul in amaute kiangah, “Asia gam sung kong tun ni a kipanin note tawh ka om sungteng ka nasepna khempeuh note in na thei uh hi.

Sawltak 21:29

(Hih bang a cih theihna uh pen khua sungah Paul le Efesa khuami Trofimas a kikhawl mu uh a, Paul in biakinn sungah tua mipa a lutpih a sa kha uh ahi hi.)

1 KORIN MASA 4:6

Sanggamte aw, note a’ ding ka ngaihsutna-in hih thu khempeuh Apollos le keima pumpi tungah ka zat uh thu ahi hi. “A khengvalin gamta kei un,” cihna thu na theih nadingun ko tegel, etteh dingin ka hong zang hi. Note in mi khatpeuh kisaktheihpihin mi khatpeuh na simmawhbawl kei ding uh hi.

1 KORIN MASA 15:32

Hih leitung a phattuam nading bekin ngaihsun ni ci lehang, sahang tawh kilai bang keekin Efesa khuamite tawh ka kihihna uhah gim thaman bang ngah ka ahi hiam? Misite hinkikna om lo ding hileh, “Zing ciangin si kha ding ihih manin i duhduhin an ne zu ne-in nuamtakin om ni,” ci-in paunak a om bangin gamtat lel ding ahi hi.

1 KORIN MASA 16:8

Ahi zongin hih Efesa khua mahah Pentekos Pawi hun ciang dong ka om ding hi.

Efesa 1:1

Pasian’ sawlna tawh Jesuh Khrih’ sawltak ahi keimah Paul in, Efesa khua-ah a om thu um mite tungah lai ka hong khak hi.