Sawltak 18:5 - Tedim Bible

⁵ Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Tedim Bible Revision 2017

⁵ Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesu pen Khris ahi hi, ci-in Jew mite kiangah teltakin a gen hi.

Sawltak 18:5 Referans Kwoze

2 KORIN NIHNA 5:14

Mi khempeuh a dingin mi khat si khin ahih manin mi khempeuh zong a ngeina lui uhah si khinta hi, ci-in ka theihna hangun tua Khrih’ itna in kote’ nuntakna hong uk hi.

Sawltak 18:28

Bang hang hiam cih leh amah in Lai Siangtho sung siksanin Jesuh pen Khrih ahi hi, ci-in mihon lakah Jew mite tawh thu kiselin a zogawp hi.

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

Sawltak 17:3

Khrih in sihna thuakin, sihna panin a thawhkik ding a kisam ahi hi, ci-in a laktel hi. Tu-a note kiangah kong pulak Khrih pen Lai Siangtho sunga kigen Khrih ahi hi, ci-in Paul in a gen hi.

Sawltak 9:22

Ahi zongin a thuhilhna-ah Saul hong siam semsem a, Jesuh pen Khrih hi, ci-in teltakin lakthei ahih manin, Damaskas khua-a om Jew mite in a nial nading uh om thei lo hi.

Ezekiel 3:14

Pasian’ kha in hong paikhiatpih laitakin lungkim hetloin ka heh suak mahmah hi. Ahi zongin Topa’ vangliatna in kei hong zozaw hi.

Jeremiah 20:9

Keimah in, “Ama thu ka gen kei ding a, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gimlua a, gen loin ka om thei kei hi.

Jeremiah 6:11

Tua ahih ciangin Topa aw, kei zong ka heh mahmah a, ka thuakzo nawn kei hi,” ka ci hi. Tua ciangin Topa in kei hong hopih a, “Kei’ tang dinga na hehna kongzing lak a naupangte tungah buakhia inla, tangvalte’ kikhopna-ah zong buakhia in. Papite le nupite zong kilakhia ding a, piteek puteekte zong kipaikhiatpih ding hi.

Filippi 1:23

Hih thu nih khentat hak ka sa mahmah hi. Kei a dingin hoihzaw thampek ahih manin leitung pumpi si-in Khrih tawh omkhawm ding ka ut hi.

Sawltak 2:36

“Tua ahih ciangin singlamteh tungah na thah uh hih Jesuh pen Pasian in Topa le Khrih in a bawl khitna thu, Israel mi khempeuh in teltakin thei ta un,” a ci hi.

1 PETER MASA 5:12

Thu upna sungah mi citakin ka ngaihsut Silas’ huhna tawh hih lai tomno gelhin amah ka hong puasak hi. Hih thute pen Pasian’ hong hehpihna taktak hi, ci-in teci pangin note ka hong hanthawn hi. Tua ahih manin hih thute-ah kipin om un.

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

Sawltak 16:9

Troas khua-ah a tunni zanin Paul in maang mu a, Masedonia gammi khat in ama kiangah, “Masedonia gamah hong pai inla, kote hong huh in,” ci-in a thum hi.

Sawltak 16:1

Paul paisuak lai-in Derbe khua tung a, tua panin Lystra khua a tung hi. Tua Lystra khua-ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Sawltak 15:22

Tua ciangin sawltakte, upate, le pawlpi buppi in amau sung panin mi pawlkhat teelin Paul le Barnabas tawh Antiok khua-ah a paikhawmsak ding uh a vaihawm uh hi. Amaute tawh a paikhawm dingin thu um mite in a zahtakbawl mahmah mi nih, Barsabbas Judas le Silas teelkhia uh a,

Sawltak 10:42

Kote in mite kiangah thu ka hilh nading uh le mihing le misite tungah thu a khen dingin Pasian in amah a sehna thu teci a pang dingin a hong sawl hi.

Sawltak 4:20

Tua ahih manin kote in ka muhsa uh le ka zaksa uh thute gen loin ka om thei kei ding uh hi,” ci-in a dawng uh hi.

Johan 15:27

A kipat cil a kipanin kei tawh omkhawm na hih manun note in zong keima thu na gen ding uh hi.

Johan 10:24

Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khrih na hih leh zong teltakin hong gen in,” ci-in a dot uh ciangin

Johan 3:28

Kei pen Khrih ka hi kei a, ama mai-ah a hong kisawlpa ka hi lel hi, ci-in ka genna thu note mahmah in na zaksa uh ahi hi.

Johan 1:41

A zing ciangin a u Simon zongpahin ama kiangah, “Messiah ka mu zo uh hi,” a ci hi. Tua pen Khrih a cihnopna ahi hi.

Luka 12:50

Gimna sungah ka kiphum nading khat om a, tua thu a kikhit matengin ka lungsim a nuam thei kei hi.

Micah 3:8

Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Luka 16:28

Inn-ah nau pasal nga ka nei lai a, ke’n gim ka thuakna hih lai munah hong tunkhak loh teitei nadingun kei’ gamtat bangin a gamtat loh nadingun hong hilhsak hen,’ a ci hi.

Sawltak 16:12

Tua khua panin khe tawh pai-in Masedonia gam sunga om Rom mite a tenna Filippi khua ka tung uh a, tua khua-ah ni tampi sung ka taam uh hi.

Sawltak 20:23

Thongkiatna le gimna ka thuak nading thu bekbek, ka omna khua khempeuhah Kha Siangtho in hong gen tawntung hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

2 KORIN NIHNA 1:19

Bang hang hiam cih leh Silvanas, Timoti, le keimah in note lakah a thu ka hong hilhhilh uh Pasian’ Tapa Jesuh Khrih pen hih ding a cihte hihlo ding ci-in a thu a kheel themthum pa hi lo a, hih ding a cihte hih ding mah hi pah hi.

2 KORIN NIHNA 11:9

Note lakah na ka sep laitakin Masedonia gam panin a hong pai pawlpi mite in ka sapna khempeuh hong puak uh ahih manin note khat beek ka hong gimsak kei hi. A beisa hunah note ka hong gimsakkhak loh mah bangin mailam hunah zong ka hong gimsakkha het kei ding hi.

1 THESALONIKA MASA 3:6

Ahi zongin tu-in note kiang panin Timoti hong tungkhin a, note’ upna le nong itna uh thute a hong gen hi. Kote na hong lim ngaihsutnate uh le kote in ka hong muhnop uh mah bangin note in zong kote na hong muhnopna uh thute khempeuh a hong gen hi.