Sawltak 18:3 - Tedim Bible

³ tua nupate mah bangin Paul zong puanbuk bawl nasep tawh a nungta ahih manin amaute tawh omkhawmin na a semkhawm uh hi.

Tedim Bible Revision 2017

³ tua nupate mah bangin Paul zong puanbuk bawl nasep tawh a nungta ahih manin amaute tawh om khawmin na a sem khawm uh hi.

Sawltak 18:3 Referans Kwoze

1 THESALONIKA MASA 2:9

Sanggamte aw, ka nasep ka silbawlnate khempeuh uh note in na thei uh hi. Pasian kiang panin a hong pai Lungdamna Thu note kiangah ka hong hilhna hangun note in themkhat beek na gimlawhkhak loh nadingun a sun a zanin nakpitakin na ka sem uh hi.

1 KORIN MASA 4:12

Kote’ nektawm ding ka thatang mahmah uh tawh nakpitakin ka sem uh hi. Hong kisamsiat ciangin thupha ka lehpiak uh a, hong kibawlsiat ciangin ka gumthuak uh hi.

2 KORIN NIHNA 11:9

Note lakah na ka sep laitakin Masedonia gam panin a hong pai pawlpi mite in ka sapna khempeuh hong puak uh ahih manin note khat beek ka hong gimsak kei hi. A beisa hunah note ka hong gimsakkhak loh mah bangin mailam hunah zong ka hong gimsakkha het kei ding hi.

2 KORIN NIHNA 12:13

Note lakah na ka sepna hangin huhna bangmah kong nget loh cih simloh, pawlpi dangte sangin kong hamsiatsak zawkna bangmah om het lo hi. Tua bangin note kiang panin bangmah kong nget lohna hangin midang tawh hong kibangsak lo suak ka hih manin, tua khialhna hong maisak ta un.

2 KORIN NIHNA 11:7

Note kiangah Pasian hangin Lungdamna Thu ka hong hilh ciangin note tung panin thaman bangmah ka hong ngen het kei a, note a thupi na suah ding uh ka deihna-in kei ka kiniamkhiat hi. Hih thu tawh kisai-in a sialamin kei hong lehngaihsut zawsop na hi uh hiam?

1 KORIN MASA 9:14

Tua mah bangin lungdamna thu a hilhte in tua nasepna mah panin nuntakna a ngah nading uh Topa’ thupiak ahi hi.

1 KORIN MASA 9:15

Ahi zongin hih ngahtheih ding hamphatnate khempeuh ka la kei a, tu-in zong ka ngahtheih nadingin hih lai a hong gelh ka hi kei hi. Hih ka kisialhna teng a mawkna a suah ding sangin ka si nuamzaw hi.

1 KORIN MASA 9:18

Tua ahihleh ka sep thaman bang ahi hiam? Ka thaman pen, lungdamna thu tawh kisai ka sepna-ah thaman ngen loin, a khongin Lungdamna Thu hilh ding hamphatna ka neihna ahi hi.

1 THESALONIKA MASA 4:11

Tu ma-a ka hong gensa uh mah bangin kamtam nuam se loin hoihtakin om hithiatna, no tawh a kisai thu bek ngaihsutna, le note’ nuntak nading na na sep nading uh hanciamin nei un.

2 KUMPI NIHNATE 6:2

Kote Jordan-ah hong paisakin kote in singluang khat ciat la-in ka tenna ding uh mun khat ko hong bawl sak in,” a ci uh hi. Tua ciangin amah in dawngin, “Pai un,” a ci hi.