Sawltak 18:25 - Tedim Bible

²⁵ Amah in Topa’ zia thei a, lawp mahmahna tawh Jesuh’ thu a mantakin a hilh hi. Ahi zongin amah in Johan’ tuiphumna thu bek a thei hi.

Tedim Bible Revision 2017

²⁵ Amah in Topaʼ zia thei a, lawp mahmahna tawh Jesuʼ thu a mantakin a hilh hi. Ahi zongin amah in Johanʼ tuiphumna thu bek a thei hi.

Sawltak 18:25 Referans Kwoze

Sawltak 19:3

Tua ciangin Paul in, “Tua ahihleh na kituiphumna dan uh bangci bang ahi hiam?” ci-in a dot ciangin, “Tuiphumpa Johan’ thugen bang pawl ahi hi,” ci-in a dawng uh hi.

ROM (Romans) 12:11

Thadah kei unla, nakpitakin na sem un. Lawp mahmahna lungsim tawh Topa’ na sem un.

Hosea 14:9

Mipil, thu ngaihsun theite in hih thute theitelin limtakin ciamteh tahen. Topa’ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Sawltak 19:23

Tua hun laitakin Topa’ thu hangin Efesa khua-ah buaina lianpi khat a hong piang hi.

Sawltak 19:9

Ahi zongin mi pawlkhat in kin hetloin um nuam lo uh a, mipi’ zakin Topa’ thu paiziate gensia gawp uh ahih manin Paul in amaute nusia-in thu um mite paikhiatpih a, Tirannas in thugenna-in a neih innpi sungah nisimin thugenna hun a zang hi.

Sawltak 9:2

Topa’ thu a zui mi numei pasal a muh peuhpeuh manin Jerusalem khua-ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

Marka 12:14

Amaute in, “Sia aw, nangmah in thutang genin, midangte’ pau ding phamawh na sak lohna, uliante’ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihte’ thungetna in vang nei a, na lianpi semzo hi.

2 TIMOTI NIHNA 2:4

Galkap a semlai mipa in ama tungah a om bupa a lungkimsak theih nadingin na sem ahih manin tualsung mite’ nasep tawh thuahkhawm lo hi.

Sawltak 16:17

Tua numei in Paul le kote hong zui-in, “Hih mite, A Lianpen Pasian’ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

Luka 7:29

Siahdongte le midangte khempeuh in hih thu a zak uh ciangin Pasian’ deihna zui-in Johan’ khut sungah tui a kiphum uh hi.

Marka 1:3

Gam sungah mi khat kiko a, ‘Topa’ pai nading lampi bawl unla, a tot ding lampi tangsak un,’ ci hi,” ci-in a kigelhna tawh hong kipankhia hi.

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Isaiah 40:3

Awging khat in, “Gamlakah Topa’ lampi sial unla, sehnel gam sungah i Pasian a’ ding lam lianpi khat a tangin bawl un.

Late 119:1

Amau’ gamtatna-ah paubaan om loin Topa’ ngeina sungah a gamtate thupha ngah ahi hi.

1 SAMUEL MASA 12:23

Tua tham loin kei zong, note a dingin Topa’ tungah thunget lohna tawh ka na khial het kei ding a, keimah in a hoih a man lampite note kong hilh ding hi.

Thukhente 2:22

Amau’ pute pate in Topa’ lampi a zuih bangin zuih ding a don uh hiam, a don kei uh hiam, cih a kitheih nadingin hih mite tawh Israel mite ka ze-et ding hi,” a ci hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tunsak theih nadingin ama khita a tate le a innkuanpihte in thuman le thutangin nasepna tawh Topa’ thupiakte a zuih theih nadingun a hilh dingin amah ka teel khin hi,” a ci hi.

Late 67:2

Leitungah nangma deihna, minam khempeuhte lakah na vanglian hotkhiatna kithei tahen.

Luka 1:4

Nang tungah a hong kigensa thute khempeuh a man taktak na theih nading deihsakna tawh ka hong gelh ahi hi.

Sawltak 18:26

Amah in kikhopna inn sungah hangtakin thu hilh ding kipan a, Prisilla le Aquila in ama thuhilhna a zak uh ciangin a omna uh inn-ah Apollos ciahpihin, Pasian’ thu paiziate a mantakin a hilhtel uh hi.