Sawltak 18:21 - Tedim Bible

²¹ a dinkhiat ding ciangin, “Pasian deihna ahih nakleh note kiangah ka hong hawhkik ding hi,” ci-in vaikhakin, Efesa khua panin teembaw tawh a ding khia hi.

Tedim Bible Revision 2017

²¹ a dinkhiat ding ciangin, “Pasian deihna ahih nakleh note kiangah ka hong hawhkik ding hi,” ci-in vaikhakin, Efesa khua panin teembaw tawh a ding khia hi.

Sawltak 18:21 Referans Kwoze

1 KORIN MASA 4:19

Ahi zongin Topa in hong thukimpih nakleh kei ka hong hawhbaih ding a, tua a kiphatsak pau mawkmawkte in bang ciang taktak a hihzo ngap uh hiam, cih thu keima pumpi tawh ka mu ding hi.

Jeim 4:15

Note in, “Topa in hong thukimpih nakleh nungta-in tua bang tua bang i sem ding hi,” na cih ding uh hi bek hi.

Hebru 6:3

Eite in mainawt ni. Pasian in hong thukimpih ahih nakleh i mainawt ding ahi hi.

ROM (Romans) 15:32

Tua bangin thu hong ngetsak le-uhcin, Pasian’ deihna ahih nakleh note kiangah lungdam takin ka hong tung ding a, note tawh nuamtakin i kimu ding hi.

ROM (Romans) 1:10

Thu ka nget simin note ka hong phawk tawntungna le ama deihna ahih nakleh khatvei teitei ciangin note kiangah ka hong paitheih nading ka utna thu Pasian in a thei hi.

Sawltak 20:16

Paul in Jerusalem khua-ah Pentekos Pawi hun lapnuam ahih manin Asia gam sungah ban man dingin ngaihsun lo a, Efesa khua-ah taam sawm lo hi.

1 PETER MASA 3:17

Gamtatsia-in i om sangin Pasian’ deihna ahih nakleh i gamtat hoihna hangin gimna i thuak hoihzaw hi.

2 KORIN NIHNA 13:11

Sanggamte aw, tu-in mangpha na man un. Na omzia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a piathei Pasian in note hong ompih tahen.

1 KORIN MASA 16:7

Bang hang hiam cih leh Topa in hong thukimpih nakleh khualzin kawmin a hong nawk bek hi loin, note kiangah hun hoihkhop khat ka om nuam hi.

Sawltak 21:14

Thu ka genpihpih uh hangin hong mang zo lo ahih manin, ka cih nading uh thei nawn loin, “Topa’ deihna bangbang hi ta hen,” ci-in ka omta uh hi.

Sawltak 19:21

Hih bang thuteng a piankhit ciangin Masedonia gam le Akhaia gamah Paul zinin Jerusalem-ah paisuak ding a ngaihsun hi. Tua khit ciangin Rom khua-ah zong pai ning, a ci hi.

Sawltak 15:29

Tua a kisam thute in: Milim biakna-in a kipiasa an khat peuhpeuh na nek loh nading uh, sasi na nek loh nading uh, a si luangkhiasak loin a kigawlmek sa khat peuhpeuh na nek loh nading uh, le numei tawh khialhna panin na kikep nading uh ahi hi. Hih thute hoihtakin zui le-uhcin note a dingin hoih ding hi. Na cidam ta un,” ci-in kigelh hi.

Luka 9:61

Tua ciangin midang khat in, “Topa aw, nang ka hong zui ding hi. Ahi zongin ka inn-ate, mangpha hong khasak masa in,” a ci hi.

Mattiu 26:39

tawmkhat pai lai-in leilakah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin kei’ deihna bang hi loin nangma deihna bang hizaw ta hen,” a ci hi.

Thu-hilhkikna 16:1

“Abib kha tang unla, Topa na Pasian uh a dingin Paisan Pawi bawl un. Bang hang hiam cih leh Abib kha sungin Topa na Pasian un Egypt gam panin zanin note hong paikhiatpih hi.

Marka 6:46

Amaute tawh a kikhen khit ciangin thungen dingin mualtungah a kahto hi.

Sawltak 18:19

Tua bangin a pai uh ciangin Efesa khua tung uh a, Paul zong kikhopna inn-ah pai-in Jew mite tawh thu a kisel uh hi. Tua khua-ah Prisilla le Aquila-te nupa a taam lai nading Paul in a gen hi.

Sawltak 18:20

Thu um mi pawlkhatte in ni tampi sung Paul a taam nadingin gen uh a, ahi zongin amah taam nuam lo hi;

Sawltak 18:24

Alexandria khuami Apollos a kici Jew mi khat, Efesa khua-ah hong pai hi. Amah thugen siam mahmah a, Lai Siangtho zong a thei mahmah khat ahi hi.

Sawltak 19:1

Korin khua-ah Apollos a om laitakin Paul khual hong zinin Efesa khua hong tung hi. Tua khua-ah thu um mi pawlkhat tawh kimu a,

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Sawltak 21:29

(Hih bang a cih theihna uh pen khua sungah Paul le Efesa khuami Trofimas a kikhawl mu uh a, Paul in biakinn sungah tua mipa a lutpih a sa kha uh ahi hi.)

1 KORIN MASA 15:32

Hih leitung a phattuam nading bekin ngaihsun ni ci lehang, sahang tawh kilai bang keekin Efesa khuamite tawh ka kihihna uhah gim thaman bang ngah ka ahi hiam? Misite hinkikna om lo ding hileh, “Zing ciangin si kha ding ihih manin i duhduhin an ne zu ne-in nuamtakin om ni,” ci-in paunak a om bangin gamtat lel ding ahi hi.

1 KORIN MASA 16:8

Ahi zongin hih Efesa khua mahah Pentekos Pawi hun ciang dong ka om ding hi.

Efesa 1:1

Pasian’ sawlna tawh Jesuh Khrih’ sawltak ahi keimah Paul in, Efesa khua-ah a om thu um mite tungah lai ka hong khak hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Mangmuhna 2:1

“Efesa khua-a pawlpi vantungmi kiangah lai gelh inla, a taklam khutah aksi sagih tawi-in, kham kibawl meivakna lakah a pai kawikawi Jesuh’ thugenna hih bang ahi hi: