Sawltak 18:18 - Tedim Bible

¹⁸ Korin khua-ah ni tampi sung thu um mite tawh Paul omkhawm lai a, tua khit ciangin amaute mangpha khakin Syria gam a zuan dingin Prisilla le Aquila tawh teembaw a tuang uh hi. Paul in Pasian tungah thuciamnasa nei ahih manin teembaw a tuan ma-un Korin khuapi teembaw khawlna Kenkhrea munah a sam a metsak hi.

Tedim Bible Revision 2017

¹⁸ Korin khua ah ni tampi sung thu um mite tawh Paul om khawm lai a, tua khit ciangin amaute mangpha khakin Syria gam a zuan dingin Prisilla le Aquila tawh teembaw a tuang uh hi. Paul in Pasian tungah thuciamnasa nei ahih manin teembaw a tuan ma-un Korin khuapi teembaw khawlna Kenkhrea munah a sam a metsak hi.

Sawltak 18:18 Referans Kwoze

Sawltak 21:24

Tua mite tawh va kipawl inla, a kisiansuahna uhah nang zong va kihelin, a sum beiteng khempeuh nangmah in sik in. A kisiansuah khit uh ciangin amaute in a sam uh met thei ta ding uh hi. Hih bangin gamta lecin a beisa huna nangma thu a kigente khempeuh a man khat zong om loin, nangmahmah zong Moses Thukham a zui na hihna thu mi khempeuh in hong thei ding uh hi.

Gamlak-vakna 6:18

Tua Nazir mipa in a ki-ap a sam, kikhopna bukkongah met ding a, a ki-ap ama lutang panin a samte la-in thunuama biakpiakna nuai-ah a om mei sungah hal ding hi.

1 KORIN MASA 9:20

Jew mite lakah na ka sep ciangin amaute ka ngahzawh nadingin Jew mite khat mah bangin ka gamta a, Moses Thukham ka zuih ding a kisap loh hangin a zuite ka ngahzawh nadingin amaute lakah na ka sep ciangin amaute mah bangin ka gamta hi.

ROM (Romans) 16:1

Kenkhrea khua-a om pawlpite lakah na a sem, thu upna sungah i sanggamnu Foebe pen mihoih mahmah khat ahihna thu note’ theih dingin ka deih hi.

Sawltak 18:2

Tua lai-ah Pontas gam a suak, Jew mi Aquila a kici mi khat tawh a kimu hi. Gam uk Kumpipa in Jew mi khempeuh Rom khua panin a taikhiat nadingun thu pia ahih manin Aquila le a zi Prisilla pen Italy gam panin Korin khua a hong tun uh a sawt nai lo ahi hi. Tua nupate tawh a kimu dingin Paul zong a inn uhah va hawh a,

Galati 1:21

Tua lai panin Syria le Silisia gamah ka pai hi.

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam, le Silisia gam a om thu upna sungah sanggam ahi Gentail mite tungah hopihna kam kong khak uh hi.

Gamlak-vakna 6:2

“Israel mite tungah hih bangin gen in: Numei ahi a, pasal ahi zongin, Topa a dingin amahmah a kituam koih nadingin Nazir kiciamna ahi, a tuam mahmah kiciamna a bawl ciangin,

Sawltak 21:3

Saipras tuikulh a kigal muhna mun ka tun uh ciangin tua tuikulh leitaw lampang kantanin Syria gam lam manawhin ka paisuak uh a, Taia khua ka tun uh ciangin teembaw in a van puakte suah ahih manin teembaw tung pan ka tuakkhia uh hi.

Sawltak 18:26

Amah in kikhopna inn sungah hangtakin thu hilh ding kipan a, Prisilla le Aquila in ama thuhilhna a zak uh ciangin a omna uh inn-ah Apollos ciahpihin, Pasian’ thu paiziate a mantakin a hilhtel uh hi.

Sawltak 15:41

Syria gam le Silisia gam nawkin pai-in pawlpite hanthawnin a thahatsak hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Marka 6:46

Amaute tawh a kikhen khit ciangin thungen dingin mualtungah a kahto hi.

Sawltak 1:15

Tua khit a sawt loin thu um mi zakhat le sawmnih bang a kikhop khawm laitakun Peter hong dingin thu hong gen a,

Sawltak 18:27

Akhaia gamah Apollos pai ding a sawm ciangin, Akhaia gam a om thu um mite in limtakin a na pawlbawl nading uh deihna tawh Efesa khua-a om thu um mite in lai a khak uh hi. Amah a tun ciangin Pasian hehpihna hangin Jesuh thu a um tua lai-a om mite a dingin nuamtuam mahmah hi.

Sawltak 21:23

Tua ahih manin kong gen bangun gamta in. Pasian tungah thuciamna a bawl khinsa mihing li om hi.