Sawltak 18:12 - Tedim Bible

¹² Rom khutnuai-ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Tedim Bible Revision 2017

¹² Rom khutnuai ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Sawltak 18:12 Referans Kwoze

Sawltak 18:27

Akhaia gamah Apollos pai ding a sawm ciangin, Akhaia gam a om thu um mite in limtakin a na pawlbawl nading uh deihna tawh Efesa khua-a om thu um mite in lai a khak uh hi. Amah a tun ciangin Pasian hehpihna hangin Jesuh thu a um tua lai-a om mite a dingin nuamtuam mahmah hi.

Sawltak 13:50

Ahi zongin Jew mite in tua khuasung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a taikhia sak uh hi.

Sawltak 13:7

Tua mipa pen tua tuikulh a uksawn, a pil mahmah Sergius Paulus tawh a kithei mahmah mi khat ahi hi. Tua gam ukpa in Pasian’ thu zanuam ahih manin Barnabas le Saul a sam hi.

2 KORIN NIHNA 11:10

Khrih thuman keima sungah om ahih mah bangin no Akhaia gam sungah hih ka kisialhna thu mah kizom paisuak ding hi, ci-in ka kiciam hi.

2 KORIN NIHNA 9:2

Note’ huhnopna thu ka theih khitsa hi a, Masedonia gam a pawlpite kiangah zong note ka hong kisialhpih khitsa ahi hi. “Akhaia gam a pawlpite in ni kum a kipanin huh dingin a kithawisa uh ahi hi,” ci-in ka na gen hi. Tua banga note’ lawpna in amaute tampi tak thanuamsak hi.

2 KORIN NIHNA 1:1

Jesuh Khrih’ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua-ah a om Pasian’ pawlpi mite le Akhaia gam sungah a om Pasian’ mite khempeuh tungah lai ka hong khak uh hi.

1 KORIN MASA 16:15

Sanggamte aw, Stefanas-te innkuan pen Akhaia gam sunga thu um masa pente ahihna le Pasian’ mite a dingin nasem dingin a kipia mite ahihna thu na thei uh hi.

ROM (Romans) 15:26

Bang hang hiam cih leh Masedonia gam le Grik gam sunga om pawlpite in Jerusalem khua-a om Pasian’ mi a zawngte huh nadingin sum piak ding amau thu-in a vaihawmtawm uh hi.

Sawltak 25:10

Paul in, “Keimah thu hong kisit nading munin a kilawmna, gam uk kumpipa thukhenna mai-ah ka va ding ding hi. Nangmahmah in zong teltakin na theih ding bangmahin Jew mite tungah bangmah siatna ka bawl kei hi.

Sawltak 17:13

Berea khua-ah zong Paul in Pasian thu a hilhna a zak uh ciangin Thesalonika khua panin Jew mite hong pai-in Berea khua-ah zong mite hong holhthawh gawp uh hi.

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul denggawp uh a, si khin hi, ci-in ngaihsun uh ahih manin khuanawlah a kaikhia uh hi.

Sawltak 14:2

Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tuzan ka mang sungin ama hangin nakpitakin gimna thuak ka hih manin, mawhna nei lo tua mipa bangmah cihkha kei in,” a ci hi.

Jeim 2:6

note in mizawngte na simmawhbawl uh hi. Note hong bawlsia-in thukhen zum hong tun pahpahte, mihaute hizaw uh hi.

ROM (Romans) 16:5

Amau’ inn-a kikhawm pawlpi mi khempeuh zong na hopih sak un. Asia gam sungah Khrih thu a um masa pen pa ahi ka lawm it mahmah Epainetas zong na hopih sak un.

Sawltak 17:5

Tua bangin mi tampi in Paul’ thugen a up uh ciangin Jew mite thangpai uh a, kongzing lakah a vakvai migilo honkhat kaikhawmin a pawlmat uh hi. Khuasung khempeuh buaisak henhanin, mihonte lakah Paul le Silas a kaihkhiat theih nadingun Jason’ inn a va simgawp uh hi.

Sawltak 13:12

Gam ukpa in hih thupiang a muh ciang le Topa thu a kigente a zak ciangin lamdangsa mahmahin Pasian a um hi.

Johan 19:13

Pilat in hih bangin mite’ kikona a zak ciangin Jesuh paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.

Sawltak 13:8

Ahi zongin tua mitphial siampa Elymas (a Grik min) in Barnabas le Saul na nial a, gam ukpa in Pasian’ thu a up theih loh nadingin a na hanciam hi.

Sawltak 18:11

Tua ahih manin tua khua-ah kum khat le alang sung omlai-in mite kiangah Pasian thu a hilh hi.

Sawltak 19:21

Hih bang thuteng a piankhit ciangin Masedonia gam le Akhaia gamah Paul zinin Jerusalem-ah paisuak ding a ngaihsun hi. Tua khit ciangin Rom khua-ah zong pai ning, a ci hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihte’ suk ding lauhuaina, Gentail mite’ suk ding lauhuaina, khuapi sung le gamlakah lauhuaina, tuipi tungah lauhuaina, lawm man lote’ hih ding lauhuaina a tuamtuamte ka phukha hi.

1 THESALONIKA MASA 2:14

Tua ahih manin sanggamte aw, Judea gam sunga om, Khrih Jesuh thu a um, Pasian’ mi ahi mite in a thuak bangin note in zong a thuak na hi uh hi. Amaute in Jew mite’ bawlsiatna a thuak uh mah bangin note in zong note’ gam mite mah’ bawlsiatna na thuak uh hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amau’ mawhnasate a behlap niloh a suak uh hi. Ahi zongin a tawpna-ah Pasian’ hehna amaute tungah a tungta hi.