Sawltak 17:5 - Tedim Bible

⁵ Tua bangin mi tampi in Paul’ thugen a up uh ciangin Jew mite thangpai uh a, kongzing lakah a vakvai migilo honkhat kaikhawmin a pawlmat uh hi. Khuasung khempeuh buaisak henhanin, mihonte lakah Paul le Silas a kaihkhiat theih nadingun Jason’ inn a va simgawp uh hi.

Tedim Bible Revision 2017

⁵ Tua bangin mi tampi in Paulʼ thugen a up uh ciangin Jew mite thangpai uh a, kongzing lakah a vakvai migilo hon khat kaikhawmin a pawlmat uh hi. Khua sung khempeuh buaisak henhanin, mihonte lakah Paul le Silas a kaihkhiat theih nadingun Jasonʼ inn a va sim gawp uh hi.

Sawltak 17:5 Referans Kwoze

Galati 5:26

Kuamah kiphasak loin, khatlekhat kiphin loin, kuamah i kihaza kei ding hi.

Sawltak 17:13

Berea khua-ah zong Paul in Pasian thu a hilhna a zak uh ciangin Thesalonika khua panin Jew mite hong pai-in Berea khua-ah zong mite hong holhthawh gawp uh hi.

Galati 5:21

enna, zukhamna le biakna pawi-ah zukhamna a kipan adangdangte ahi hi. A beisa hunah ka hong hilhkholhsa bangin tu-in ka hong genkikin-ah: Hih bangin a gamta mite pen Pasian’ Ukna sungah omkha het lo ding hi.

ROM (Romans) 16:21

Ka naseppih Timoti in note hong hopih a, Jew mipih Lusias, Jason, le Sosipater-te in zong hong hopih uh hi.

Sawltak 17:7

Jason in a inn-ah amaute tungsak hi. Amaute in gam khempeuh a uk Kumpipa’ thu palsat uh a, Jesuh kici kumpi dang khat om hi, ci-in gen uh hi,” ci-in a awnggawp uh hi.

Sawltak 14:2

Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

1 KORIN MASA 3:3

Bang hang hiam cih leh Pasian’ deihna bangin gamta loin, leitung lungsim deihna bangin gamta lai na hih manun upna sungah naungek bang ahi lai na hi uh hi. Note khatlekhat kihaza-in kitawng kiselin na om uh ciangin hih leitung mite mah a bang lel na hihna uh hong kilang hi.

Sawltak 19:40

Tuni-a thupiang hangin eite buaina piangsak, ci-in hong kimawhsak khak ding lauhuai hi. Hih bangin buaina a om nading bangmah a thu om lopi hi a, i siksan ding bangmah thu om het lo hi,” a ci hi.

Sawltak 18:12

Rom khutnuai-ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul denggawp uh a, si khin hi, ci-in ngaihsun uh ahih manin khuanawlah a kaikhia uh hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paul’ thugente a man lopi hi, ci-in Paul a gensia uh hi.

Mattiu 27:18

Bang hang hiam cih leh Jesuh a hazat man bekun ama kiangah a paipih ahihna thu teltakin a thei hi.

Thukhente 9:4

Tua ciangin amaute in Baaberith inn panin ngun pek sawmsagih Abimelek pia uh a, amah in ama nung a zui, bangmah-a a kimang lo le thu ngaihsun thei lo mite cialna hi.

Jeim 4:5

Lai Siangtho sungah, “Eite sungah a hong guat kha pen Pasian in ngai mahmah hi,” ci-in a kigelhna a mawkna-in a kigelh sa na hi uh hiam?

Sawltak 7:9

“I pupi dangte in Josef na haza uh a, mi tungah na zuakin, a leite in Egypt gamah sal dingin a na zuaksawn uh hi. Ahi zongin Pasian in i pupi Josef na huh a,

Paunak 14:30

Lungnopna in pumpi cidamsak a, hazatna pen guh a muatsak natna ahi hi.

Late 69:12

Kongzing lakah mite’ gengen ka hi a, zukhamte in keima thu la-in hong sa uh hi.

Late 35:15

Ahih hangin kei ka tukna-ah amaute nuamin kikhawm uh a, kei simmawh dingin kikaikhawm uh hi. Ka theih ngei hetloh khebaite nangawn in tawlnga hetloin kei hong gensia niloh uh hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Sawltak 17:6

Tua inn-ah Paul le Silas a muh loh uh ciangin a innteek pa Jason le midang pawlkhat kaikhia-in uliante kiangah paipih uh a, “Hih mite in mun khempeuhah buaina piangsak uh hi. Tu-in i khuasung hong tung uh a,

Sawltak 17:9

Jason le a lawmte a kitat nading uh sum a piaksak khit uh ciangin tua khuasung uliante in amaute a khah pan uh hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihte’ suk ding lauhuaina, Gentail mite’ suk ding lauhuaina, khuapi sung le gamlakah lauhuaina, tuipi tungah lauhuaina, lawm man lote’ hih ding lauhuaina a tuamtuamte ka phukha hi.

1 THESALONIKA MASA 1:6

Kote le Topa’ gamtat bangin note na gamta uh a, note in gimna nakpitakin thuaklawh napi-in Kha Siangtho’ huhna tawh lungdam takin thu umin na om uh hi.