Sawltak 17:25 - Tedim Bible

²⁵ Amah pen mi khempeuh tungah nuntakna le na khempeuh a piapa ahih manin mihingte in ama a dingin na khat peuhpeuh a sepsak ding a kisam ahi kei hi.

Tedim Bible Revision 2017

²⁵ Amah pen mi khempeuh tungah nuntakna le na khempeuh a pia pa ahih manin mihingte in ama adingin na khat peuhpeuh a sepsak ding a kisam ahi kei hi.

Sawltak 17:25 Referans Kwoze

Piancilna 2:7

Topa Pasian in leilak pana leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

ROM (Romans) 11:35

Amah in hong thukkik theih nadingin kuamah in ama tungah thupha va bawl ngei lo hi,” na ci hi.

Sawltak 17:28

Mi khat in, ‘Pasian hangin eite piangin, hingin i gamtang hi,’ ci-in gen a, note sung panin laphuah siampa khat in zong, ‘Eite zong ama tate ihi hi,’ na na ci hi.

Isaiah 42:5

Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

JOB (Job) 33:4

Bang hang hiam cih leh Pasian’ kha in kei hong sawl a, Vanglianpa in kei tungah nuntakna hu hong pia hi.

JOB (Job) 22:2

“Mipil pente i cih nangawn, ama a’ ding cih lohbuang, Pasian a dingin a kimanna om lo hi.

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

JOB (Job) 27:3

ka sungah nuntakna a omlaiteng, Pasian’ hu, ka nakah ka diik laiteng,

Zekhariah 12:1

Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Late 16:2

Topa tungah, “Nang, ka Topa na hi hi; nang tawh loin hoihna ka nei kei hi,” ka ci hi.

JOB (Job) 12:10

A piansaksate’ nuntakna Pasian mah in a uk ahi hi. Mihing khempeuhte’ nuntakna ama khut sungah om hi.

Sawltak 14:17

Ahi zongin amah in a bangci Pasian hiam cih hong lahna-in mite a dingin na hoihnono a hong pia hi. Amah in van panin guah hong zusakin, a hun hunin anlak hun ding hong tungsak hi. Amah in note’ nek ding an hong pia a, lungdamin a hong omsak hi,” a ci uh hi.

Mattiu 9:13

Lai Siangtho sungah, ‘Ganhing tawh biak ding ka deih kei a, migitna ka deihzaw hi,’ ci-in a genna pen bang a cihnopna ahi hiam, va kan un. Mite in a zahtak mihoihte a sam dingin a hong pai ka hi kei a, mite in a pampaih mite a sam dingin a hong pai ka hi hi,” a ci hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Isaiah 57:16

Ka mite tungah nuntakna ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

JOB (Job) 34:14

Pasian in ama ngaihsutna kheel hen la, nuntakna hu a dokkik hileh

Gamlak-vakna 27:16

“Topa’ mihonte, a cing nei lo tuute a bat loh nadingin amaute’ mai-ah paikhia-in amaute’ mai-ah a tum ding, amaute paikhiatpihin amaute a ciahpih ding, mihonte a uk dingin, Topa, mi khempeuh tungah nuntakna a pia Pasian ahi nangmah in mi khat seh in,” a ci hi.

Gamlak-vakna 16:22

Amaute boksuk uh a, “Pasian, mi khempeuhte’ tungah nuntakna a pia Pasian aw, mi khat’ khialhna hangin mihon khempeuhte’ tungah nang heh ding na hi hiam?” a ci uh hi.

Thu-hilhkikna 30:20

Topa na Pasian uh itin, ama thu mangin, amah beel un; bang hang hiam cih leh Topa in na pu na pate uh Abraham, Isaac, le Jakob tungah piak dingin a kiciamsa leitangah note na tentheih nadingun tua pen note-a’ dingin nuntakna le khansauna ahi hi,” a ci hi.

Jeremiah 38:16

Tua ciangin kumpipa Zedekiah in kei kiangah, “Eite nuntakna a hong pia Topa a nuntak bangin kong sisak kei ding a, nang a hong thatnuam hih mite’ khut sungah zong kong pia kei ding hi,” ci-in kiciamna a hong piasim hi.