Sawltak 17:2 - Tedim Bible

² A pai ngei zel mah bangin Paul zong kikhopna inn-ah pai a, Sabbath ni thum sung Lai Siangtho siksanin mite tawh thu kikum a,

Tedim Bible Revision 2017

² A pai ngei zel mah bangin Paul zong kikhopna inn ah pai a, Sabbath ni thum sung Lai Siangtho siksanin mite tawh thu kikum a,

Sawltak 17:2 Referans Kwoze

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

Sawltak 18:4

Sabbath ni simin kikhopna inn-ah limtakin thu gen a, Jew mi le Grik mite in thu a up nadingun a hanciam hi.

Sawltak 17:17

Tua ahih manin Pasian a bia Jew mite le Gentail mite tawh kikhopna inn sungah thu kikupna nei uh a, mihon kikhopna munah hong pai mi khempeuh tawh zong nisimin a kikum uh hi.

Sawltak 17:10

Tua zan ciangin thu um mite in Berea khua-ah Paul le Silas a paisak uh hi. Tua khua a tun uh ciangin Jew mite kikhopna inn-ah a pai uh hi.

Sawltak 14:1

Ikonium khua a tun uh ciangin Paul le Barnabas zong Jew mite kikhopna inn-ah pai uh a, amaute’ thuhilhna hangin Jew mi le Gentail mi tampi tak in Pasian thu um uh hi.

Sawltak 13:5

Saipras tuikulh-a om Salamis khua a tun uh ciangin Jew mite’ kikhopna innte-ah Pasian thu a hilh uh hi. Tua a nasepna uhah a huh dingin Johan Marka zong amaute tawh a omkhawm hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasian’ Ukna thu gentel a, Jesuh’ thu man hi, ci-in a uptheih nadingun Moses Thukham le kamsangte’ laigelhte siksanin a gen hi.

Sawltak 8:35

Filip zong a kam ka-in thugen ding kipan a, tua a Lai Siangtho simna mun a kipanin Jesuh thu ciang dong a gen hi.

Johan 18:20

Jesuh in, “Mi khempeuh’ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna om ngei lo hi.

Luka 4:16

Tua ciangin ama khanna Nazareth khua-ah Jesuh pai a, Sabbath ni ciangin a paingei bangin kikhopna inn-ah a pai hi. Lai Siangtho a sim dingin amah ding a,

Isaiah 1:18

Topa in hih bangin ci hi: “Tu-in hong pai unla, thu kikumkhawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading, le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Sawltak 19:8

Tua ciangin Paul in kikhopna inn sungah hangtakin kha thum sung thu hilh a, mite in Pasian’ Ukna thu a upzawh nadingun nakpitakin a gen hi.

Sawltak 13:14

Ahi zongin Perga khua panin amaute paisuak uh a, Pisidia gam Antiok khua a tung uh hi. Sabbath ni-in kikhopna inn-ah pai-in a tu uh hi.

1 SAMUEL MASA 12:7

Tua ahih ciangin tuni-in note le na pu na pate uh a dingin Topa in hotkhiatna a sepna thu khempeuh Topa’ mai note’ tungah hong genin kong mawhsak theih nadingin ding lai dih un.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

1 KORIN MASA 15:3

Kei tungah a hong kihilh a thupi pen note tungah ka hong gensawn a, tua in: Lai Siangtho sungah a kigelh mah bangin eite’ mawhna tang dingin Khrih hong si-in