Sawltak 17:18 - Tedim Bible

¹⁸ Epikuras thu ngaihsutzia le Stoik thu ngaihsutzia a um mite pawlkhat, Paul tawh thu kinial uh a, “Hih mi kipilsak thu mawk gengen pa in bang gennuam ahi hiam?” cihsan uh a, pawlkhat in, “Minam dangte’ pasian thu a gen tawh kibang hi,” a ci uh hi. Paul in Jesuh thu le a thawhkikna thu hilh ahih manin hih bangin a gen uh ahi hi.

Tedim Bible Revision 2017

¹⁸ Epikuras thu ngaihsutzia le Stoik thu ngaihsutzia a um mite pawl khat, Paul tawh thu kinial uh a, “Hih mi kipilsak thu mawk gengen pa in bang gen nuam ahi hiam?” cih san uh a, pawl khat in, “Minam dangteʼ pasian thu a gen tawh kibang hi,” a ci uh hi. Paul in Jesu thu le a thawhkikna thu hilh ahih manin hih bangin a gen uh ahi hi.

Sawltak 17:18 Referans Kwoze

Kolose 2:8

Khrih thu tawh a kituak lopi-in, tangthu tuanthu ahi a, huihlak a ukte’ thu siksanin ahi zongin, bangmahin a kimang lo leitung pilna tawh mite’ khemsa-in sila na suahkhak loh nadingun kingaihsun un.

Sawltak 4:2

Hih sawltak nihte in misite thokik ding hi, cih a lahtel nadingun sihna panin Jesuh thokik hi, ci-in mite kiangah thu hilh uh ahih manin nawngkai a sa uh hi.

Luka 11:53

Tua mun panin Jesuh a paikhiat khit a kipanin Thukham hilh siate le Farisi mite in nakpitakin Jesuh mawhzon ding kipanin thu tampi tak dong uh a,

1 KORIN MASA 4:10

Khrih hangin mite mai-ah kote mihai ka suak uh a, ahi zongin note pen Khrih sungah mipil na kisa uh hi. Kote ka thaneem uh a, ahi zongin note a hat na kisa uh hi. Kote hong kisimmawhbawl a, ahi zongin note hong kizahtakbawl na kisa uh hi.

1 KORIN MASA 3:18

Note khatpeuh hih leitung ngeina-ah a pilin na kingaihsut uhleh a pil taktak na hih theih nadingun a hai na suak phot un.

ROM (Romans) 1:22

Amaute pil a kisak mahmah uh hangin a hai mahmah uh ahi hi.

Sawltak 26:23

Tua thu in: Khrih pen sihna thuakin a hingkik masa pa hi ding a, Jew mite le Gentail mite tungah hotkhiatna khuavak thu a hong gen pa hi ding hi, cihna thu ahi hi,” a ci hi.

Marka 9:14

Nungzui dangte’ omna-ah a tunkik uh ciangin tua lai-ah mi tampi tak na om uh hi. Thukham hilh sia pawlkhatte le nungzuite thu na kisel uh hi.

Paunak 26:12

A pil lo kimlai a pil a kisapa sangin mihaite a dingin lametna omzaw lai hi.

Paunak 23:9

Mihaite pil hopih kei un; amaute in a manphatna phawk thei lo uh hi.

Sawltak 6:9

Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.

Sawltak 5:42

Nisimin biakinn sung le mite inn-ah thu hilh uh a, Jesuh, Khrih hi, cih Lungdamna Thu a gengen uh hi.