Sawltak 17:16 - Tedim Bible

¹⁶ Paul in Athen khua-ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim ommawk thei lo hi.

Tedim Bible Revision 2017

¹⁶ Paul in Athen khua ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim om mawk thei lo hi.

Sawltak 17:16 Referans Kwoze

Late 119:158

Thuman lo mite ka muh ciangin ka kih mahmah hi. Bang hang hiam cih leh amaute in nangma thupiakte zui lo uh hi.

2 PETER NIHNA 2:7

Ngeina bangin a gamta lo mite in Lot a lungkhamsakna panun Pasian in mihoih Lot a honkhia hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Marka 3:5

Jesuh in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Micah 3:8

Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Jeremiah 20:9

Keimah in, “Ama thu ka gen kei ding a, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gimlua a, gen loin ka om thei kei hi.

Late 69:9

Nangma inn ka deihluatna mei bangin ka sungah sa a, nangmah hong kote’ konate keima tung hong tu hi.

1 KUMPI MASATE 19:14

Amah in, “Vanglian Pasian, Topa a dingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia uh a, namsau tawh na kamsangte that uh hi; kei, kei bekbek ka omlai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 19:10

Amah in, “Vanglian Pasian, Topa a dingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia uh a, namsau tawh na kamsangte that hi; kei, kei bekbek ka omlai hi. Amaute in kei nangawn thah dingin hong zong lai uh hi,” a ci hi.

Sawltak 17:23

Na khuasung uhah ka pai kawmin na biakna munte uh ka et ciangin, ‘A Kithei lo Pasian a’ ding,’ ci-in biakna tau tungah lai a kigelh nangawn ka mu hi. Tu laitakin kei’ hong pulak Pasian pen, thei lo napi-in na biakbiak uh Pasian ahi hi.

Johan 2:13

Jew mite’ Paisan Pawi hun hong naita ahih manin Jerusalem khua-ah Jesuh a pai hi.

Sawltak 17:15

Tuipi gei-ah Paul a paipih thu um mite in Athen khua ciang dong a va zui uh hi. Athen khua panin Berea khua-ah hong ciahkik uh ciangin, Silas le Timoti in a manlang theithei-in hong delh uh hen, ci-in Paul’ kam vaikhak thu a hong pua uh hi.

Sawltak 17:21

(Athen khuamite le tua khua-a om gamdang mite in thu thak la thak ngaihsunin kikup ding simloh thudang ngaihsutin nei lo uh hi.)

Sawltak 18:1

Tua khit ciangin Athen khua panin Paul paikhia-in Korin khua-ah a tung hi.

Sawltak 20:22

Tu-in ahihleh Kha Siangtho’ hong sawlna mangin, kei tungah bang thu hong piang ding hiam, cih thei lopi-in Jerusalem khua-ah a pai ding ka hi hi.

1 THESALONIKA MASA 3:1

A tawpna-ah ka thuakzawh nawn loh uh ciangin Athen khua-ah kei le Silas omin,