Sawltak 17:15 - Tedim Bible

¹⁵ Tuipi gei-ah Paul a paipih thu um mite in Athen khua ciang dong a va zui uh hi. Athen khua panin Berea khua-ah hong ciahkik uh ciangin, Silas le Timoti in a manlang theithei-in hong delh uh hen, ci-in Paul’ kam vaikhak thu a hong pua uh hi.

Tedim Bible Revision 2017

¹⁵ Tuipi gei ah Paul a paipih thu um mite in Athen khua ciang dong a va zui uh hi. Athen khua panin Berea khua ah hong ciahkik uh ciangin, Silas le Timoti in a manlang theithei-in hong delh uh hen, ci-in Paulʼ kam vaikhak thu a hong pua uh hi.

Sawltak 17:15 Referans Kwoze

1 THESALONIKA MASA 3:1

A tawpna-ah ka thuakzawh nawn loh uh ciangin Athen khua-ah kei le Silas omin,

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Sawltak 18:1

Tua khit ciangin Athen khua panin Paul paikhia-in Korin khua-ah a tung hi.

Titu 3:12

Artemas ahi a, Tikhikas ahi zongin khat peuhpeuh nang kiangah ka hong paisak ciangin, Nikopolis khua-ah phalbi sung omsawm ka hih manin, kei omna tua khua-ah nong paitheih nadingin hong hanciam in.

Sawltak 17:21

(Athen khuamite le tua khua-a om gamdang mite in thu thak la thak ngaihsunin kikup ding simloh thudang ngaihsutin nei lo uh hi.)

Sawltak 17:16

Paul in Athen khua-ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim ommawk thei lo hi.

Sawltak 15:3

Amaute a pai uh ciangin pawlpi mite in khuanawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 17:14

Tua ciangin thu um mite in tuipi gei-ah Paul paikhiatpih uh a, ahi zongin Silas le Timoti pen Berea khua-ah a taam lai uh hi.

Sawltak 17:22

Tua ahih manin Paul zong kikhopna mun Areopagas a kici mualbo tungah dingin, “Athen khua mite aw, biakna a hahkat mahmah mite na hihna uh ka thei hi.