Sawltak 17:13 - Tedim Bible

¹³ Berea khua-ah zong Paul in Pasian thu a hilhna a zak uh ciangin Thesalonika khua panin Jew mite hong pai-in Berea khua-ah zong mite hong holhthawh gawp uh hi.

Tedim Bible Revision 2017

¹³ Berea khua ah zong Paul in Pasian thu a hilhna a zak uh ciangin Thesalonika khua panin Jew mite hong pai-in Berea khua ah zong mite hong holhthawh gawp uh hi.

Sawltak 17:13 Referans Kwoze

Sawltak 21:27

Tua ni sagih hunsung a bei dektak ciangin Asia gam panin a hong pai Jew mite pawlkhat in, biakinn sungah Paul a omna a mu uh hi. Amaute in mihonte sosuahin Paul man uh a,

Sawltak 17:5

Tua bangin mi tampi in Paul’ thugen a up uh ciangin Jew mite thangpai uh a, kongzing lakah a vakvai migilo honkhat kaikhawmin a pawlmat uh hi. Khuasung khempeuh buaisak henhanin, mihonte lakah Paul le Silas a kaihkhiat theih nadingun Jason’ inn a va simgawp uh hi.

Sawltak 14:2

Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

Sawltak 6:12

Amaute in hih bangin zuauna tawh mihonte, upate, le Thukham hilh siate a holhthawh uh hi. Tua ahih manin amaute hong pai-in Stefen man uh a, uliante mai-ah a hong paipih uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Paunak 28:25

A huaiham mi in kitotna piangsak a, Topa a muang mite mihau hi ding hi.

Luka 12:51

Leitungah kilemna a omsak dingin a hong pai hong sa na hi uh hiam? Hilo hi. Ke’n kong cihin-ah, kikhenna a omsak dingin a hong pai ka hizaw hi.

Paunak 15:18

Lungtomna in kitotna piangsak a, lungduaina in kilemna piangsak hi.

1 KUMPI MASATE 21:25

Ama zi Jezebel in a hanthot Ahab bangin Topa’ muhna-ah a sia a gamta dingin amahmah a kipiatawm mi kuamah dang om lo hi.

Sawltak 17:1

Amfipolis khua le Apollonia khua nawkin amaute zin uh a, Jew mite kikhopna inn a omna Thesalonika khua a tung uh hi.

Sawltak 17:10

Tua zan ciangin thu um mite in Berea khua-ah Paul le Silas a paisak uh hi. Tua khua a tun uh ciangin Jew mite kikhopna inn-ah a pai uh hi.

Sawltak 20:4

Berea khuami Pirras’ tapa Sopater, Thesalonika khuami Aristarkhas le Sekundus, Derbe khuami Gaias, Timoti, le Asia gam sung panin Tikhikas le Trofimas-te in zong a zui uh hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihte’ suk ding lauhuaina, Gentail mite’ suk ding lauhuaina, khuapi sung le gamlakah lauhuaina, tuipi tungah lauhuaina, lawm man lote’ hih ding lauhuaina a tuamtuamte ka phukha hi.