Sawltak 17:1 - Tedim Bible

¹ Amfipolis khua le Apollonia khua nawkin amaute zin uh a, Jew mite kikhopna inn a omna Thesalonika khua a tung uh hi.

Tedim Bible Revision 2017

¹ Amfipolis khua le Apollonia khua nawkin amaute zin uh a, Jew mite kikhopna inn a omna Thesalonika khua a tung uh hi.

Sawltak 17:1 Referans Kwoze

Filippi 4:16

Thesalonika khua-ah cimawhin ka om lai-in huhna nong puak uh khatvei bek hi lo hi.

1 THESALONIKA MASA 1:1

Keimah Paul, le Silas, le Timoti in Pa Pasian le Topa Jesuh Khrih sungah a om Thesalonika khua-a om pawlpi mite tungah lai ka hong khak uh hi. Pasian in note tungah dikna le nopsakna thupha hong tungsak tahen.

2 THESALONIKA NIHNA 1:1

Keimah Paul, le Silas, le Timoti-te in: Pasian le Topa Jesuh Khrih sungah a om, Thesalonika khua-a om pawlpi mite tungah lai ka hong khak uh hi.

Sawltak 20:4

Berea khuami Pirras’ tapa Sopater, Thesalonika khuami Aristarkhas le Sekundus, Derbe khuami Gaias, Timoti, le Asia gam sung panin Tikhikas le Trofimas-te in zong a zui uh hi.

2 TIMOTI NIHNA 4:10

Demas in hih leitung thu kinzaw ahih manin kei hong nusia-in Thesalonika khua-ah a pai hi. Kresen, Galatia gamah pai a, Titus, Dalmatia gamah pai hi.

Sawltak 27:2

Adramittium khua teembaw khawlna panin Asia gam lam manawh dingin a kithawi teembaw-ah tuangin ka ding khia uh hi. Masedonia gam Thesalonika khuami Aristarkhas in zong kote hong zui hi.

Sawltak 17:13

Berea khua-ah zong Paul in Pasian thu a hilhna a zak uh ciangin Thesalonika khua panin Jew mite hong pai-in Berea khua-ah zong mite hong holhthawh gawp uh hi.

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.

Sawltak 16:13

A Sabbath ni ciangin Jew mite’ thungetna mun om ding hi, ci-in ka upna uh khua pualama gun gei-ah ka pai uh a, tua lai-ah tu-in a kikhawm numeite tungah thu ka hilh uh hi.

Sawltak 15:21

Bang hang hiam cih leh Sabbath nisimin kikhopna innte-ah Moses Thukhamte kisim ngitnget a, khua khempeuhah Moses thugente mah hilh belin kinei hi,” a ci hi.

Sawltak 14:1

Ikonium khua a tun uh ciangin Paul le Barnabas zong Jew mite kikhopna inn-ah pai uh a, amaute’ thuhilhna hangin Jew mi le Gentail mi tampi tak in Pasian thu um uh hi.

Sawltak 17:10

Tua zan ciangin thu um mite in Berea khua-ah Paul le Silas a paisak uh hi. Tua khua a tun uh ciangin Jew mite kikhopna inn-ah a pai uh hi.

1 THESALONIKA MASA 2:2

Note in na theihsa uh mah bangin Thesalonika khua ka hong tun ma-un Filippi khua-ah simmawh bawlna le maizumna ka thuak uh hi. Tua bangin nakpitakin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.