Sawltak 16:6 - Tedim Bible

⁶ Asia gam sungah thu a hilh ding uh Kha Siangtho in phal lo ahih manin Frigia le Galatia gam sungtengah a zin uh hi.

Tedim Bible Revision 2017

⁶ Asia gam sungah thu a hilh ding uh Kha Siangtho in phal lo ahih manin Frigia le Galatia gam sung tengah a zin uh hi.

Sawltak 16:6 Referans Kwoze

Sawltak 18:23

Antiok khua-ah tawlkhat a taam khit ciangin Galatia gam le Frigia gam sungah pai-in thu um mi khempeuh a va thakhauhsak hi.

Galati 1:2

Kei tawh a omkhawm i Khristianpihte in zong note hong hopih uh hi.

Sawltak 16:7

Mysia gamgi a tun uh ciangin Bithynia gam sungah lut dingin kithawi uh a, ahi zongin tua gamah a pai ding uh Jesuh’ Kha Siangtho in phal lo hi.

Sawltak 11:12

Lunghiang loin amaute ka zuihpah nadingin Kha Siangtho in kei tungah hong gen khinzo hi. Joppa khua panin hih i sanggam gukte in zong Sisaria khua-ah hong zui uh a, ka vekpi-un Kornelias inn-ah ka lut uh hi.

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.

2 TIMOTI NIHNA 4:10

Demas in hih leitung thu kinzaw ahih manin kei hong nusia-in Thesalonika khua-ah a pai hi. Kresen, Galatia gamah pai a, Titus, Dalmatia gamah pai hi.

Galati 3:1

Galati mihaite aw, singlamteh tungah Jesuh Khrih a sihna thu teltakin na theihsa uh ahih manin kua’ khemsa-in hici thei mawk na hi uh hiam?

Sawltak 19:10

Hih bangin kum nih sung tawntung thu gen niloh ahih manin Asia gam sunga om Jew mi le Gentail mi khempeuh in Topa’ thu a za uh hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun, le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

Hebru 11:8

Pasian in ama tungah piak dingin a ciam leitangah Abraham a pai dingin a sap lai-in Abraham in Pasian’ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

2 TIMOTI NIHNA 1:15

Na theihsa bangin Asia gam sunga om mi khempeuh in kei hong nusia uh a, tuate lakah Figelas le Hermogenes-te zong kihel uh hi.

2 KORIN NIHNA 1:8

Sanggamte aw, Asia gam sunga ka thuaknate uh na hong phawkpih ding uh ka deih uh hi. Ka thuakna uh lianlua mahmah ahih manin nuntak zawh nading lametna om lo hi.

1 KORIN MASA 16:1

Tu-in Judea gam a om Pasian mite huh nading sum kaihkhop nading thu tawh kisai-in: Galatia gam a pawlpite in a hih ding zia uh ka gen bangin note in zong na hih un.

1 KORIN MASA 12:11

Hih siamna a tuamtuamte a hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Sawltak 20:16

Paul in Jerusalem khua-ah Pentekos Pawi hun lapnuam ahih manin Asia gam sungah ban man dingin ngaihsun lo a, Efesa khua-ah taam sawm lo hi.

Sawltak 20:4

Berea khuami Pirras’ tapa Sopater, Thesalonika khuami Aristarkhas le Sekundus, Derbe khuami Gaias, Timoti, le Asia gam sung panin Tikhikas le Trofimas-te in zong a zui uh hi.

Sawltak 10:19

Tua bangin Peter in a maang muh lungngaingai-in a om laitakin Kha Siangtho in, “En in, mihing thum in nang hong zong uh hi.

Isaiah 30:21

Taklamah na kihei ciang uh ahi a, veilamah na kihei ciang uh ahi zongin, “Hih pen lampi hi, hih tawn un,” cihna aw, na nunglam panun na bil un a za ding hi.

Luka 1:2

A kipat cil a kipanin amau’ mit mahmah tawh a mu mite in hong gente uh a gelh uh ahi hi.

Sawltak 6:9

Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.

Sawltak 8:29

Tua laitakin Kha Siangtho in Filip kiangah, “Pai inla tua leeng mai-ah va om in,” ci-in a sawl hi.

Sawltak 21:27

Tua ni sagih hunsung a bei dektak ciangin Asia gam panin a hong pai Jew mite pawlkhat in, biakinn sungah Paul a omna a mu uh hi. Amaute in mihonte sosuahin Paul man uh a,

ROM (Romans) 16:5

Amau’ inn-a kikhawm pawlpi mi khempeuh zong na hopih sak un. Asia gam sungah Khrih thu a um masa pen pa ahi ka lawm it mahmah Epainetas zong na hopih sak un.

1 KORIN MASA 16:19

Asia gam a om pawlpi a tuamtuamte in note hopihna kam hong khak uh hi. Aquila le Prisilla-te in zong amau’ inn-a kikhawm pawlpite tawh Topa’ hangin lungsim taktak tawh hopihna kam hong khak uh hi.