Sawltak 16:34 - Tedim Bible

³⁴ Tua ciangin a inn-ah amaute ciahpihin an a pia hi. Tu-in Pasian thu um uh ahih manin amah a kipan a innkuanpih khempeuh a lungdam mahmah uh hi.

Tedim Bible Revision 2017

³⁴ Tua ciangin a inn ah amaute ciah pihin an a pia hi. Tu-in Pasian thu um uh ahih manin amah a kipan a innkuan pih khempeuh a lungdam mahmah uh hi.

Sawltak 16:34 Referans Kwoze

ROM (Romans) 15:13

Kha Siangtho’ huhna tawh note’ lametna a khan semsem theih nadingin, lametna a hong piathei Pasian in, amah na upna uh hangin lungdamna le nopsakna tawh note hong kidimsak tahen.

Filemon 1:7

Sanggam aw, nangma hangin Pasian’ mite in lungnopna ngah uh ahih manin tua bang itna na neihna hangin ka lungdamin ka tha a nuam mahmah hi.

ROM (Romans) 5:11

Tuateng bek hi lo lai a, Pasian tawh hong kilemsak i Topa Jesuh Khrih hangin Pasian tungah i nuam mahmah hi.

Sawltak 2:46

Nisimin biakinn-ah kikhawm uh a, a innte uhah an nekhawmin, lungdamna le kiniamkhiatna tawh a ne ciat uh hi.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

Filippi 4:17

Note tung panin na tampi ka ngahnop man hi lo a, note’ hamphatna a kibehlap nading ka deihna hizaw hi.

Filippi 4:4

Topa sungah lungdam tawntung un, ka hong cihsa bangin tu-in zong lungdam un, ka hong ci kik hi.

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

Sawltak 11:14

Amah in nang le na innkuan khempeuh un hotkhiatna na ngah nading uh thu hong gen ding hi,’ a cihna thu a hong gen hi.

Sawltak 8:39

Tui sung panin a paikhiat khit uh ciangin Topa’ Kha Siangtho in Filip paikhiatpih hi. Mangpa in Filip mu nawn lo hi; ahi zongin lungdam takin a lampai a zom hi.

Luka 19:6

Tua ahih manin Zakkhias zong hong kum mengmeng a, lungdam mahmahin a inn-ah Jesuh a tungsak hi.

Luka 15:32

Tu-in na naupa a sisa hong hingkik a, a mangsa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Luka 5:29

Tua ciangin Levi in ama inn-ah Jesuh vakna annek pawipi bawl a, annekna sabuai-ah siahdong dang tampite le midangte zong tawh a tukhawm uh hi.

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Isaiah 55:12

Bang hang hiam cih leh Babylon panin lungdamna tawh na paikhia ding uh a, nopsakna tawh hong kipaikhiatpih ding hi. Note mai-a mual liante le mual neute inla sa-in awng ding uh a, gam sunga sing khempeuh in a khut uh beeng ding uh hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Sawltak 16:15

Amah le a innsunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak-uhleh hong pai unla, ka inn-ah hong tung un,” ci-in hong samin a hong zol hi.

Sawltak 16:35

A zingsang ciangin Rom thukhen uliante in palikbute samin, “Tua mite va khah un,” a ci uh hi.