Sawltak 16:3 - Tedim Bible

³ Paul in Timoti tonpih nuam ahih manin a vun a atsak hi. Tua gam a om Jew mi khempeuh in Timoti’ pa pen Grik mi ahih lamtak theikim uh ahih manin tua bangin a atsak ahi hi.

Tedim Bible Revision 2017

³ Paul in Timoti tonpih nuam ahih manin a vun a atsak hi. Tua gam a om Jew mi khempeuh in Timotiʼ pa pen Grik mi ahih lamtak thei kim uh ahih manin tua bangin a atsak ahi hi.

Sawltak 16:3 Referans Kwoze

Galati 2:3

Kei tawh a kithuah Titus nangawn Grik mi hinapi-in a vun ki-atsak tuan lo hi.

1 KORIN MASA 9:20

Jew mite lakah na ka sep ciangin amaute ka ngahzawh nadingin Jew mite khat mah bangin ka gamta a, Moses Thukham ka zuih ding a kisap loh hangin a zuite ka ngahzawh nadingin amaute lakah na ka sep ciangin amaute mah bangin ka gamta hi.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Galati 2:8

Bang hang hiam cih leh Jew mite lakah sawltak nasep a sem dingin Peter a koih mah bangin Gentail mite lakah sawltak nasep a sem dingin Pasian in kei a hong koih hi.

1 KORIN MASA 7:19

Bang hang hiam cih leh vun atna le vun at lohna a thupi hi lo a, Pasian’ thupiakte zuih ding a thupi ahi hi.

Sawltak 15:40

Paul in zong Silas teel a, thu um mite in Topa’ khut sungah a ap khit uh ciangin,

Sawltak 15:37

Tua bangin a pai ding uh ciangin Barnabas in Johan Marka tonpih nuam a,

Sawltak 15:20

milim biakna-a kizang an khempeuh a siang lo suak ahih manin a nek loh nading uh, numei tawh khialhnate panin a kikep nading uh, a si luangkhiasak loin a kigawlmek sate, le sasi khat peuhpeuh a nekloh nadingun lai i gelhzawk ding hoih ka sa hi.

Filippi 2:22

Ahi zongin Timoti ahihleh lungdamna thu nasepna-ah pata bang ka hih manun manpha mahmah hi.