Sawltak 16:26 - Tedim Bible

²⁶ Thakhatin nakpitakin zin hong ling a, thonginn a bulpi dongin a lokgawp hi. Thakhatthu-in thong kongkhak khempeuh kihong a, thongkiate a kikhihna sikkhau khempeuh a kiphelkhia hi.

Tedim Bible Revision 2017

²⁶ Thakhatin nakpi takin zin hong liing a, thonginn a bulpi dongin a lok gawp hi. Thakhatthu-in thong kongkhak khempeuh kihong a, thongkiate a kikhihna sikkhau khempeuh a kiphel khia hi.

Sawltak 16:26 Referans Kwoze

Sawltak 4:31

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

Sawltak 5:19

Ahi zongin tua zanin Topa’ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Sawltak 12:10

Thongcingte’ vilna mun a khatna le a nihna a khenkhit uh ciangin khuapi sung lut nading sik kibawl thong kongpi a tung uh hi. Tua kongpi pen ama thu-in hong kihongtawm a, amaute a paikhia uh hi. Khuasung lampi-ah a pai laitakun thakhatin vantungmi in Peter guak a nusia hi.

Sawltak 12:7

Thakhatthu-in Peter gei-ah Topa’ vantungmi khat hong omin thong sung khempeuh khua a vak hi. Vantung mi in Peter’ liangko lokin phong a, “Manlangin tho in,” a ci hi. Thakhatin Peter’ khut panin a sikkhaute kitolkhia hi.

Late 146:7

A kinengniam mite a dingin thumanna semkhia a, gilkialte an a vak hi. Topa in thongkiate a khahkhia hi.

Mattiu 28:2

Thakhatin zin nakpitakin hong ling hi. Topa’ vantungmi khat, vantung panin hong paisuk a, han hukna suang a likkhiat khit ciangin a tungah a tu hi.

Mangmuhna 11:13

Tua hun laitakin nakpitakin zin ling a, a khuapi sehsawmsuah sehkhat tang ding kisiacip a, tua zinling in mi tulsagih a sisak hi. A si lo a hing laite lau mahmah uh a, vantung Pasian a liatna thu a phat uh hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Late 79:11

Thongkiate’ tauna ngai inla, thah dingin a kisehte na vangliatna tawh kizui-in suaktasak in.

Mangmuhna 6:12

Ciamtehna gukna a hon ciangin ka khuadak le nakpitakin zin hong ling a, ni pen puanvom bangin hong vomin, kha pen sisan bangin a hong san hi.

Late 68:6

Pasian in a cimawhte a tenna ding innlelo guan a, thongkia mite nopsakna munah a tunpih hi. Ahih hangin mi lehdote ahihleh keugaw gamah teng uh hi.

1 KUMPI MASATE 13:28

Tua ciangin amah pai a, lampi-ah a luanghawm kipaai-in la leh humpinelkai a luanghawm gei-ah a ding a mu hi. Humpinelkai in a luanghawm ne lo a, a la zong balnen lo hi.