Sawltak 16:25 - Tedim Bible

²⁵ Zankim laitakin Paul le Silas in Pasian kiangah thu ngenin la sa uh a, thongkia dangte in amau’ thungetna le lasaknate a ngai uh hi.

Tedim Bible Revision 2017

²⁵ Zankim laitakin Paul le Silas in Pasian kiangah thu ngenin la sa uh a, thong kia dangte in amauʼ thungetna le lasaknate a ngai uh hi.

Sawltak 16:25 Referans Kwoze

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

Late 119:62

A thuman na ngeina kipte hangin nangmah a phat dingin zankim laitakin ka tho hi.

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuakzawh hatna piangsak a,

Late 77:6

Zanthapai-in ka lungsimah ka kihoho a, lung geelgeelin thu ka kan ciangin:

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.

Efesa 5:19

La a tuamtuamte genin sakna tawh Topa’ thu gen belin nei unla, na lungsim khempeuh uh tawh Topa phatna la sa un.

Kolose 1:24

Tu-in ka pumpi-in ka thuakna tawh Khrih in ama pumpi ahi pawlpi a dingin a thuak ding a kisam laiteng a kitangcingsak suak ka hih manin note a dingin ka thuakna thu-ah ka lung a dam hi.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.

JOB (Job) 35:10

Lungzin’ hun laitakin thahatna a pia, amaute a Piangsak Pasian’ lam nga lo uh hi.

Isaiah 30:29

Ahi zongin no Pasian’ mite in ahihleh biakna pawi a kikham ni zan a bangin la na sa ding uh hi. Israel-te a hu Topa’ biakinn-ah a pai dingin tamngai aw ginna zui-in a kuankhiate bangin na lungdam ding uh hi.

Late 71:7

Mi tampite a dingin a siahil bang ka hih hangin nang pen a muanhuai, keima belh na hi hi.

Late 34:1

Topa ka phat tawntung ding a, amah phatna ka gengen ding hi.

1 PETER MASA 4:14

Khrih nungzui hihna hangin mite’ kosiatna na thuak uhleh note sungah a minthang Kha Siangtho ahi Pasian’ Kha Siangtho hong om ahihna lim ahih manin a hampha mahmah na hi uh hi.

Filippi 2:17

Note’ upna hangin biakpiakna-in keimah hong kigo hitaleh zong, note khempeuh mah bangin kei zong ka lungdam veve ding hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Sawltak 5:41

Uliante omna panin sawltakte paikhia uh a, Jesuh’ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Zekhariah 3:8

Tua ahih ciangin siampi lianpen pa Joshua aw ngai in: Ama siampipih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Late 119:55

Topa aw, zanin na min ka phawk a, nangma thu ka zui hi.

Late 42:8

Topa in sun tawntungin a itna kip hong lak a, zan hun ciangin nuntakna a hong pia Pasian’ tungah thungetna la ka sa hi.

Luka 22:44

Lunggim mahmah ahih manin nakpitakin thu ngen semsem a, leilak a si mal gol taak bangin a khua-ul a taak hi.

Late 91:15

Amah in hong sap ciangin amah ka dawng ding hi. Haksatna sungah amah ka ompih ding a, amah honkhia-in ka pahtawi ding hi.

Late 77:2

Ka lungkham hunin keimah in Topa ka zong hi. Zanin thu ngenin gim hetloin ka khut ka zan a, ahi zongin hehnepna ka ngah kei hi.

Jeim 5:13

Lungkhamna a thuak na om uhleh thu na ngen un. A lungdam na om uhleh phatna la na sa un.

Late 22:2

Ka Pasian aw, sunin kong kiko a, ahi zongin nong dawng kei hi. Zanin zong ka kiko a, ahi zongin lungsim nopna ka mu thei tuan kei hi.

Sawltak 15:22

Tua ciangin sawltakte, upate, le pawlpi buppi in amau sung panin mi pawlkhat teelin Paul le Barnabas tawh Antiok khua-ah a paikhawmsak ding uh a vaihawm uh hi. Amaute tawh a paikhawm dingin thu um mite in a zahtakbawl mahmah mi nih, Barsabbas Judas le Silas teelkhia uh a,

Sawltak 16:19

Tua numei’ tote in a sumngah nading uh beita hi, ci-in a phawk uh ciangin Paul le Silas man uh a, thukhente omna sumbuk tualah a kai uh hi.

Sawltak 16:33

Tua zankim laitakpi mahin thongcing pa in amaute’ liammate sawpsiangsak a, amah le a innkuanpih mi khempeuh a kituiphum pah uh hi.