Sawltak 16:23 - Tedim Bible

²³ Nakpi takin a kisat khit ciangin thong sungah koihsak uh a, limtakin tawh a kalh nadingin thongcing pa kiangah thu a pia uh hi.

Tedim Bible Revision 2017

²³ Nakpi takin a kisat khit ciangin thong sungah koihsak uh a, limtakin tawh a kalh nadingin thongcing pa kiangah thu a pia uh hi.

Sawltak 16:23 Referans Kwoze

Mangmuhna 2:10

Na thuak ding uh haksatnate kihta kei un. Dawimangpa in note pawlkhat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu ka hong pia ding hi.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mithat bangin sikkol hong kibulh hi. Pasian’ thu ahihleh sikkol kibulh thei lo hi.

Filemon 1:9

Hih bangin ka hong genna pen itna i neihna hang ahi hi. Tu lai takin Khrih taangmi ahi keimah Paul zong, Khrih Jesuh hangin thongkia-in a om ka hi hi.

Efesa 4:1

Tua ahih ciangin Topa’ na ka sepna hangin thong a kia keimah in note’ nuntakzia dingin a hong deihna tawh a kilawm a kituakin na nuntak nadingun ka hong hanthawn hi.

Efesa 3:1

No Gentail mite hangin Jesuh Khrih thu tawh kisai-in thongkia keimah Paul in Pasian kiangah thu ka ngen hi.

Sawltak 16:36

Tua ahih manin thongcing pa in zong Paul kiangah, “Thukhen uliante in nang le Silas kong khah nading uh thu hong piakhin ahih manin lungnuam takin na ciahkhia theita ding uh hi,” a ci hi.

Sawltak 16:27

Thongcing pa zong khanglo a, thong kongkhakte a kihong a muh ciangin thongkia mi khempeuh taikhia mangkhin hi, ci-in ngaihsun ahih manin a namsau dokin amahmah a kithat dingin a kithawi hi.

Sawltak 12:18

Zingsang khua a vak ciangin Peter bangci ahi hiam, ci-in thongcingte lakah buaina lianpi hong om hi.

Sawltak 12:4

Peter a kimat khit ciangin thongah kikoih a, galkap li ciat a om galkap pawl lite in a cin dingin ki-ap hi. Herod in Paisan Pawi a ven’ ciangin mipi mai-ah Peter thu sit dingin a ngaihsut ahi hi.

Sawltak 9:2

Topa’ thu a zui mi numei pasal a muh peuhpeuh manin Jerusalem khua-ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

Sawltak 8:3

Ahi zongin Saul in pawlpi suksiat ding hanciam a, inn khat pan inn khatah pai kawikawi-in, thu um numei le pasalte kai-in thong sungah a khia hi.

Sawltak 5:23

“Thongah ka tun uh ciangin a kongkhakte limtak mahin tawh kikalh a, thongcingte in zong kongpi-ah limtak mahin a na cing ka mu uh hi. Ahi zongin thong kong ka hon uh ciangin a sungah kuamah na om lo hi,” ci-in a zasak uh hi.

Sawltak 5:18

Tua ahih manin sawltakte manin thong sungah a khum uh hi.

Luka 21:12

Ahi zongin hihte khempeuh hong pianma-in keima hangin note hong kimanin hong kibawlsia ding hi. Kikhopna innte-ah thusitna thuakin thongah khiat dingin hong ki-ap ding a, ukpite le kumpite mai-ah hong kipaipih ding hi.

Mattiu 26:48

A lehhek pa in mihonte kiangah thu na ma gen a, “Ka nap pen pa amah hi ding hi; man un,” ci-in a lim ding a hilhkhol hi.

Mangmuhna 1:9

Note’ sanggam keimah Johan in Jesuh tawh kipawlna hangin note mah bangin bawlsiatna thuakin, Pasian’ Ukna sungah omin, lungduai takin a thuak mipa ka hi hi. Pasian’ thu le Jesuh’ hong gen thumante ka genna hangin Patmos a kici tuikulh-ah kei hong kikoih hi.

2 KORIN NIHNA 6:5

Kote hong kisatin, thongah hong kikhia-in, mihonpi in hong hihgawp uh hi; nakpitakin na semin, an ne lo, ihmu lo liangin ka om uh hi.

2 KORIN NIHNA 11:23

Amaute Khrih nasem ahihleh kei zong hong hai pau mai ning. Khrih nasem a hoihzaw pekpek ka hi hi. Amaute sangin na ka nak sepzaw a, satna tamvei ka thuakzaw a, sih dektakna tamvei ka tuakzaw hi.

Joshua 4:17

Tua ahih ciangin Joshua in siampite thu pia a, “Jordan panin hong paikhia un,” a ci hi.