Sawltak 16:22 - Tedim Bible

²² Mihonte in zong amau tegel vuakpih ngeingai uh a, uliante in Paul le Silas’ puan balkeksak uh a, tua mi tegel a sat nading uh thu a pia uh hi.

Tedim Bible Revision 2017

²² Mihonte in zong amau tegel vuak pih ngeingai uh a, uliante in Paul le Silasʼ puan bal keksak uh a, tua mi tegel a sat nading uh thu a pia uh hi.

Sawltak 16:22 Referans Kwoze

1 THESALONIKA MASA 2:2

Note in na theihsa uh mah bangin Thesalonika khua ka hong tun ma-un Filippi khua-ah simmawh bawlna le maizumna ka thuak uh hi. Tua bangin nakpitakin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

2 KORIN NIHNA 6:5

Kote hong kisatin, thongah hong kikhia-in, mihonpi in hong hihgawp uh hi; nakpitakin na semin, an ne lo, ihmu lo liangin ka om uh hi.

Hebru 11:36

Mi pawlkhat in simmawhna, satna, sikkol bulhna le thongkiatna zong a thuak uh hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Sawltak 18:12

Rom khutnuai-ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Sawltak 17:5

Tua bangin mi tampi in Paul’ thugen a up uh ciangin Jew mite thangpai uh a, kongzing lakah a vakvai migilo honkhat kaikhawmin a pawlmat uh hi. Khuasung khempeuh buaisak henhanin, mihonte lakah Paul le Silas a kaihkhiat theih nadingun Jason’ inn a va simgawp uh hi.

Sawltak 16:37

Ahi zongin Paul in palikbute kiangah, “Kote in khialhna bangmah gamta lo napi-in mihon mai-ah hong kisatgawp hi. Kote pen Rom gammi hi ung! Hong kisat khit ciangin thong sungah hong kikoih lai hi. Tu-in kuama theih lohin kote hong khahsim nuam ahi uh hiam? Tua bang mawk hithei peuhmah lo ding hi. Rom thukhen uliante mahmah hih lai-ah hong pai uh hen la, kote hong khahkhia ta hen,” a ci hi.

Sawltak 5:40

Tua ahih manin uliante in Gamaliel’ thugen a mang uh hi. Sawltakte samkik sak uh a, a sat khit uh ciangin Jesuh’ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Mattiu 27:26

Tua ciangin amaute’ deihna bangin Barabbas khah a, Jesuh ahihleh a sat khit ciangin singlamteh tungah thah dingin a piakhia hi.

Mattiu 10:17

Mi pawlkhatte in note hong manin zumah hong paipih ding uh a, amaute’ kikhopna inn sungah hong satgawp ding uh ahih manin hoihtakin kidawm un.

Luka 12:11

Thusitna a thuak dingin kikhopna inn-ah ahi a, hausa zumah ahi zongin hong paipih uh ciangin bang gen ding a, bangci kihut ding ka hi hiam, ci-in lunghimawh kei un.