Sawltak 16:18 - Tedim Bible

¹⁸ Tua bangin ni tampi sung awng ngitnget ahih manin a sawtna ciangin Paul in nawngkaisa ahih manin kihei-in a dawi kiangah, “Hih numei sung panin na paikhiat nadingin Jesuh Khrih min tawh thu kong pia hi,” a cihkhit phetin, tua numei sung panin dawi a paikhia pah hi.

Tedim Bible Revision 2017

¹⁸ Tua bangin ni tampi sung awng ngitnget ahih manin a sawtna ciangin Paul in nawngkai sa ahih manin kihei-in a dawi kiangah, “Hih numei sung panin na paikhiat nadingin Jesu Khris min tawh thu kong pia hi,” a cih khit phetin, tua numei sung panin dawi a paikhia pah hi.

Sawltak 16:18 Referans Kwoze

Marka 16:17

A um mite tungah hih vangliatna limte kipia ding hi: Keima hangin dawi hawlkhia thei ding uh a, pau dangte pau thei ding uh hi.

Sawltak 9:34

Peter in tua pa kiangah, “Aineas aw, Jesuh Khrih in nang hong damsak hi; tho-in na lupna zial in,” a ci hi. Amah zong thakhatin thoto pah hi.

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesuh Khrih min tawh, dingin lam na pai nadingin thu ka hong pia hi,” a cih khit ciangin,

Marka 1:34

Jesuh in natna namkim a vei mi tampi damsak a, dawi tampi tak zong a hawlkhia hi. Dawite in Jesuh thei uh ahih manin, Jesuh in dawite thu gensak lo hi.

Kolose 2:15

Amah in huihlak a ukte le vangliatna a nei khempeuh, singlamteh tungah zogawp khin a, galzote in a sal matte a kaih uh bangin mi khempeuh muhin a gualzawhna a lak hi.

Luka 9:1

Tua ciangin Jesuh in nungzui sawm le nihte sam a, dawite a hawlkhiat theih nading uh le cinate a damsak theih nadingun vangliatna le aana a pia hi.

Mattiu 14:24

ahi zongin nungzuite pen lei tawh gamlapi kihal khinta uh a, huih in amaute lehmut ahih manin gunkuang a kilokgawp hi.