Sawltak 16:14 - Tedim Bible

¹⁴ Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paul’ thugente a sangthei dingin Pasian in a lungsim a honsak hi.

Tedim Bible Revision 2017

¹⁴ Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paulʼ thugente a sang thei dingin Pasian in a lungsim a honsak hi.

Sawltak 16:14 Referans Kwoze

Luka 24:45

Tua ciangin Lai Siangtho sung thu a theih nadingun a lungsim uh honsak a,

Isaiah 50:5

Topa Pasian in thu theihtelna hong guan hi. Amah ka lehdo kei a, zong ka nungngat kei hi.

Mangmuhna 3:20

Kongkhakah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.

ROM (Romans) 9:16

Tua ahih ciangin mite’ utna le sepna tawh kisai lo a, Pasian’ hehpihna bek tawh kisaizaw hi.

Filippi 2:13

Bang hang hiam cih leh note in utna lungsim na neih nading uh le ama deihna na zuihzawh nadingun note sungah Pasian in a tawntungin na a hong sem ahi hi.

Sawltak 11:21

Topa in nakpitakin amaute huh ahih manin mi tampi in thu umin Topa lamah a kihei uh hi.

Mangmuhna 3:7

“Filadelfia khua pawlpi vantungmi kiangah lai gelh inla, David’ tawhtang kemin, ama honsa kong kuamah in a khak zawh loh, ama khaksa kong kuamah in a hon zawh loh, a thuman a siangthopa’ thugen in:

Sawltak 18:7

Tua ahih ciangin Paul in tua Jew mite nusia-in Pasian a bia Gentail mi Titus Justas’ inn-ah a tung hi. Tua mipa’ inn pen kikhopna inn gei mahmah ahi hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Sawltak 10:2

Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpitakin na sem a, Pasian kiangah thu a ngen tawntung mi khat ahi hi.

Sawltak 8:27

Filip zong kithawi-in a pai hi. Lampi-ah Ethiopia mi mang lian khat tawh kituak hi. Tua mangpa pen Ethiopia kumpinu Kandeis khutnuai-a mang lian khat hi a, kumpinu neihsa khempeuh a ukpa ahi hi. Jerusalem khua-ah Pasian bia dingin a va pai hi a,

Johan 12:20

Pawi hun sungin Pasian bia dingin Jerusalem khua-ah a hong pai mite lakah Grik mi pawlkhat a om uh hi.

Solomon la 5:4

Ka ngaihno in kongkhak hong len khin napi hong taisan kik hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Sawltak 13:43

Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasian’ hehpihna suangin kiptakin a om nadingun a gen uh hi.

Sawltak 13:50

Ahi zongin Jew mite in tua khuasung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a taikhia sak uh hi.

Sawltak 16:40

Paul le Silas zong thong panin paikhia-in Lydia’ inn a zuan uh hi. Tua lai-ah thu um mite tawh kikhawm uh a, hanthotna kam a genkhit uh ciangin tua khua panin a ding khia uh hi.