Sawltak 16:12 - Tedim Bible

¹² Tua khua panin khe tawh pai-in Masedonia gam sunga om Rom mite a tenna Filippi khua ka tung uh a, tua khua-ah ni tampi sung ka taam uh hi.

Tedim Bible Revision 2017

¹² Tua khua panin khe tawh pai-in Masedonia gam sunga om Rom mite a teenna Filippi khua ka tung uh a, tua khua ah ni tampi sung ka taam uh hi.

Sawltak 16:12 Referans Kwoze

1 THESALONIKA MASA 2:2

Note in na theihsa uh mah bangin Thesalonika khua ka hong tun ma-un Filippi khua-ah simmawh bawlna le maizumna ka thuak uh hi. Tua bangin nakpitakin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Sawltak 20:6

Silngo Sawh loh Anlum Pawi a ven’ khit ciangin Filippi khua panin teembaw tawh ka ding uh a, ni nga khit ciangin Troas khua tungin amaute tawh ka kimu uh a, tua lai-ah nipikal khat sung ka taam uh hi.

Sawltak 16:21

Amaute in kote’ ngeina tawh kituak lo thute hong hilh uh a, kote Rom mi ka hih manun amau thugente ka sang thei kei uh a, ka zui thei kei uh hi,” a ci uh hi.

Sawltak 16:9

Troas khua-ah a tunni zanin Paul in maang mu a, Masedonia gammi khat in ama kiangah, “Masedonia gamah hong pai inla, kote hong huh in,” ci-in a thum hi.

Sawltak 16:10

Paul in maang a muhkhit phetin, tua lai-a om mite kiangah Lungdamna Thu a hilh dingin Pasian in eite hong sam hi, ci-in ngaihsun ka hih manun Masedonia gamah a pai dingin ka kithawi pah uh hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Sawltak 19:21

Hih bang thuteng a piankhit ciangin Masedonia gam le Akhaia gamah Paul zinin Jerusalem-ah paisuak ding a ngaihsun hi. Tua khit ciangin Rom khua-ah zong pai ning, a ci hi.

Sawltak 19:29

Khuasung khempeuhah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi-ah a kai uh hi.

Sawltak 20:1

Hih buaina thu a ven’ ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

Sawltak 20:3

tua gamah kha thum sung a tam hi. Syria gam manawh dingin a kithawi laitakin tua gam a om Jew mite in lamkalah amah a thahsawmna thu za ahih manin Masedonia gam tawn kikin khualzin ding a ngaihsun hi.

Sawltak 27:2

Adramittium khua teembaw khawlna panin Asia gam lam manawh dingin a kithawi teembaw-ah tuangin ka ding khia uh hi. Masedonia gam Thesalonika khuami Aristarkhas in zong kote hong zui hi.

ROM (Romans) 15:26

Bang hang hiam cih leh Masedonia gam le Grik gam sunga om pawlpite in Jerusalem khua-a om Pasian’ mi a zawngte huh nadingin sum piak ding amau thu-in a vaihawmtawm uh hi.