Sawltak 16:1 - Tedim Bible

¹ Paul paisuak lai-in Derbe khua tung a, tua panin Lystra khua a tung hi. Tua Lystra khua-ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Tedim Bible Revision 2017

¹ Paul paisuak lai-in Derbe khua tung a, tua panin Lystra khua a tung hi. Tua Lystra khua ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Sawltak 16:1 Referans Kwoze

2 TIMOTI NIHNA 1:5

Na pi Lois le na nu Eunis in a neih upna bangte pawl mah, lungsim takpi tawh na upna thu ka phawk a, tu-in zong nang sungah tua bang upna om hi, ci-in ka ngaihsun hi.

2 TIMOTI NIHNA 1:2

Ka it ka ta Timoti tungah lai ka hong khak hi. Pa Pasian le i Topa Khrih Jesuh in dikna, hehpihna, le nopsakna thupha nang tungah hong tungsak tahen.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eite’ Topa Khrih Jesuh in dikna, hehpihna le nopsakna thupha, nangma tungah hong tungsak tahen.

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesuh Khrih thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Sawltak 17:14

Tua ciangin thu um mite in tuipi gei-ah Paul paikhiatpih uh a, ahi zongin Silas le Timoti pen Berea khua-ah a taam lai uh hi.

2 THESALONIKA NIHNA 1:1

Keimah Paul, le Silas, le Timoti-te in: Pasian le Topa Jesuh Khrih sungah a om, Thesalonika khua-a om pawlpi mite tungah lai ka hong khak uh hi.

Kolose 1:1

Pasian’ deihna tawh Jesuh Khrih’ sawltak dingin a hong kiseh keimah Paul le i sanggam Timoti in,

Filippi 2:19

Note kiang panin thu ka zakna hangin ka lung a noptheih nadingin note kiangah Timoti ka hong paisak baih nadingin Topa Jesuh in hong huh ding hi, ci-in ka lamen hi.

ROM (Romans) 16:21

Ka naseppih Timoti in note hong hopih a, Jew mipih Lusias, Jason, le Sosipater-te in zong hong hopih uh hi.

Sawltak 14:6

Sawltakte in tua thu a theih uh ciangin Likaonia gam sunga om Lystra khua, Derbe khua, le tua gam kiima om khuate-ah tai uh a,

Hebru 13:23

I sanggampa Timoti zong thong panin a suahtak khitna thu ka hong theisak nuam hi. Amah hong pai baih nakleh note kiangah ka hong pai ciangin ka hong tonpih ding hi.

1 TIMOTI MASA 1:18

Ka ta Timoti aw, tanglai pek a kipanin nang bang mite a dingin a kigensa thu tawh kizui-in nang tungah a thu ka hong ap hi. Hoihtakin gal na dozawh nadingin galhiamin tua thute zang inla,

1 THESALONIKA MASA 1:1

Keimah Paul, le Silas, le Timoti in Pa Pasian le Topa Jesuh Khrih sungah a om Thesalonika khua-a om pawlpi mite tungah lai ka hong khak uh hi. Pasian in note tungah dikna le nopsakna thupha hong tungsak tahen.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Sawltak 19:22

Tua ahih manin amah a huh Timoti le Erastas, Masedonia gamah paisak a, amah in Asia gam sungah tawlkhat hun a zang hi.

2 TIMOTI NIHNA 3:11

bawlsiatna ka thuakna, gimna ka thuakna, le Antiok, Ikonium, le Lystra khuate-ah kei tunga thupiang, nasia takin bawlsiatna ka thuaknate na theih na phawksa ahi hi. Ahi zongin Topa in hih haksatnate khempeuh panin kei hong suaktasak hi.

1 THESALONIKA MASA 3:6

Ahi zongin tu-in note kiang panin Timoti hong tungkhin a, note’ upna le nong itna uh thute a hong gen hi. Kote na hong lim ngaihsutnate uh le kote in ka hong muhnop uh mah bangin note in zong kote na hong muhnopna uh thute khempeuh a hong gen hi.

2 KORIN NIHNA 1:19

Bang hang hiam cih leh Silvanas, Timoti, le keimah in note lakah a thu ka hong hilhhilh uh Pasian’ Tapa Jesuh Khrih pen hih ding a cihte hihlo ding ci-in a thu a kheel themthum pa hi lo a, hih ding a cihte hih ding mah hi pah hi.

2 KORIN NIHNA 1:1

Jesuh Khrih’ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua-ah a om Pasian’ pawlpi mite le Akhaia gam sungah a om Pasian’ mite khempeuh tungah lai ka hong khak uh hi.

1 KORIN MASA 7:14

Bang hang hiam cih leh thu um lo pasal pen a zi’ hangin thu um mi suakthei ding a, thu um lo zi pen a pasal’ hangin thu um mi suakthei ding hi. Tua bang hileh a tate uh thu um mi suakthei ding uh hi. Ahi zongin tua bang hi kei le-uh a tate uh thu um mi suakthei lo ding uh hi.

Sawltak 14:21

Paul le Barnabas in Derbe khua-ah Lungdamna Thu hilh uh a, mi tampi in Pasian a um uh hi. Tua lai panin kileh kikin Lystra khua, Ikonium khua, le Pisidia gam a om Antiok khua-ah a pai uh hi.

Sawltak 14:1

Ikonium khua a tun uh ciangin Paul le Barnabas zong Jew mite kikhopna inn-ah pai uh a, amaute’ thuhilhna hangin Jew mi le Gentail mi tampi tak in Pasian thu um uh hi.

Ezra 9:2

Amaute le a tapate un hih gam a teng minam dangte’ numeite tenpih uh a, tua thu hangin a siangtho minam pen tu-in gamdang mite tawh a kihel suak ta hi. Tua hi a, hih thu-ah makaite le thukhen uliante pen a khial masa ahi uh hi,” hong ci uh hi.

1 KORIN MASA 16:10

Note kiangah Timoti hong pai zenzen khak leh, amah pen keimah bangin Topa’ na a sem ahih manin nuam a sak theihtheih nadingin na bawl un.

Filemon 1:1

Khrih Jesuh hangin thong a kia keimah Paul le i sanggampa Timoti in, Ka hong it uh, ka naseppih uh ahi Filemon,