Sawltak 15:7 - Tedim Bible

⁷ Sauveipi a kisel khit uh ciangin Peter hong ding a, “Lawmte aw, Gentail mite in Pasian’ thu za-in a uptheih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teelkhiatna thu na thei uh hi.

Tedim Bible Revision 2017

⁷ Sau veipi a kiseel khit uh ciangin Peter hong dinga, “Lawmte aw, Gentail mite in Pasianʼ thu za-in a up theih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teel khiatna thu na thei uh hi.

Sawltak 15:7 Referans Kwoze

Sawltak 15:2

Hih thu huhau-in Paul le Barnabas, le hih mite kikalah nakpitakin thu kinialna omin thu kisel uh ahih manin, Paul le Barnabas le Antiok khua-a a om mi pawlkhatte Jerusalem khua-ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Sawltak 10:20

Amaute nang kiangah a hong pai dingin ka hong sawl ahih manin kithawi-in kumsuk inla, lunghiang loin amaute zuipah in,” a ci hi.

Filippi 2:14

Na khempeuh phun lo, thu nial loin sem un.

Sawltak 15:39

Hih thu hangin amau tegel nakpitakin kinial uh ahih manin kikhenlawh uh a, Barnabas in Johan Marka zawnin Saipras tuikulh gam a zuan dingin teembaw tawh a pai hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sapsa ahih manin kei a dingin Barnabas le Saul hong piakhia un,” a ci hi.

Sawltak 9:15

Ahi zongin Topa in Ananias kiangah, “Gentail mite, kumpite, le Israel mite tungah keima min a kitheisak ding, keima na a sem dingin teelkhin ka hih manin ama kiangah va pai in.

Sawltak 4:25

kote’ pupi, na nasempa David tungah na Kha Siangtho tawh thu na gen a, amah in, ‘Bang hangin Gentail mite heh mahmah a, a tangtung lo dingpi vaihawm uh ahi hiam?

Sawltak 3:18

Ama Khrih in a thuak nading thu, Pasian in tanglai pekin kamsangte khempeuh tungtawnin genkhol a, tu-in hih bangin a thugen kholhna a hong tungsak ahi hi.

Sawltak 1:24

Tua ciangin amaute in thu ngen uh a, “Mihing khempeuh’ lungsim sung thu a thei Topa aw, ama om nadingin a kilawm munah a om dingin sawltak nasep panin a hong paisan Judas tang dingin, hih mi nih sung panin na teel penpen hong hilh in,” a ci uh hi.

Sawltak 1:16

“Lawmte aw, Jesuh a mante lam a lak Judas thu, Kha Siangtho in David’ kam panin a genkholhna Lai Siangtho sung thu a tun ding kisam hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 3:27

Johan in, “Pasian in hih theih nading thu pia kei leh kuamah in bangmah hih thei lo hi.

Jeremiah 1:9

Tua ciangin Topa in a khut tawh hong zam phei-in ka muk hong lawnsakin hong hopih hi. “En in, ka thute na kam sungah kong koih khinzo hi.

Paikhiatna 4:12

Tua ahih ciangin tu-in pai in. Keimah in na thugenna-ah kong huh ding a, na thugen ding nang kong hilh ding hi,” a ci hi.

Sawltak 10:19

Tua bangin Peter in a maang muh lungngaingai-in a om laitakin Kha Siangtho in, “En in, mihing thum in nang hong zong uh hi.

Sawltak 15:14

Pasian in Gentail mite lak panin ama mi dingin mi pawlkhat a lakna tawh Gentail mite a kin ahih lamtak a hong lahna thu, Simon’ genna i za zo hi.

Sawltak 21:16

Sisaria khua panin thu um mi pawlkhat in zong hong zui uh a, ka tun nading uh Mnason’ inn-ah hong paipih uh hi. Mnason pen Saipras tuikulh gammi hi a, sawt pek a kipanin thu um mi a na hi khinsa ahi hi.