Sawltak 15:25 - Tedim Bible

^25-26 Tua ahih manin kote kikhawmin thu ka kikum uh a, mi pawlkhat teelin no kiangah kong paisak ding uh ka kithukim uh hi. Tua ka teel uh mite pen i Topa Jesuh Khrih nasepna-ah a nuntakna uh a pia ngam i sanggam it Paul le Barnabas tawh kong paisak uh hi.

Tedim Bible Revision 2017

^25-26 Tua ahih manin kote kikhawmin thu ka kikum uh a, mi pawl khat teelin no kiangah kong paisak ding uh ka kithukim uh hi. Tua ka teel uh mite pen i Topa Jesu Khris nasepna ah a nuntakna uh a pia ngam i sanggam it Paul le Barnabas tawh kong paisak uh hi.

Sawltak 15:25 Referans Kwoze

2 PETER NIHNA 3:15

I sanggam Paul in Pasian’ piak pilna zangin note kiangah lai a hong gelhnate sungah a gen mah bangin note khempeuh in hotkhiatna na ngahtheih nading uh hun hong piakna-in Topa hong zekai ahihna thu na phawk un.

Sawltak 15:22

Tua ciangin sawltakte, upate, le pawlpi buppi in amau sung panin mi pawlkhat teelin Paul le Barnabas tawh Antiok khua-ah a paikhawmsak ding uh a vaihawm uh hi. Amaute tawh a paikhawm dingin thu um mite in a zahtakbawl mahmah mi nih, Barsabbas Judas le Silas teelkhia uh a,

Sawltak 15:2

Hih thu huhau-in Paul le Barnabas, le hih mite kikalah nakpitakin thu kinialna omin thu kisel uh ahih manin, Paul le Barnabas le Antiok khua-a a om mi pawlkhatte Jerusalem khua-ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Sawltak 1:14

Numeite, Jesuh’ nu Mary, le Jesuh’ naute tawh thungen khawm dingin a kikhawm zelzel uh hi.

Luka 1:3

Kei zong, hih thute khempeuh a kipat cil a kipanin limtakin kantel khin ka hih manin, a thu a kizomzomin nang a dingin hong gelhsak leng hoih ding hi, ci-in ka ngaihsun hi.

Filemon 1:16

Tu-in amah sal bek hi nawn loin sal sangin a thupizaw, Khrih hangin i sanggam hong hita hi. Kei a dingin amah a manphat mah bangin sal hihna le Topa thu sungah sanggam hihna tawh nang a dingin zong hong manphazaw kan ding hi.

Kolose 4:9

Note’ khuapih mi, a citak i sanggam it pa Onesimas zong ka hong zuisak hi. Amau tegel in hih lai-a thupiang khempeuh note kiangah hong gen ding uh hi.

Kolose 4:7

Topa’ nasepna-ah citakin a manpha mahmah ka naseppih uh ka sanggam uh Tikhikas in kei’ thu a kicing takin note kiangah hong gen ding hi.

Efesa 6:21

Ka septe le ka omzia khempeuh na theih nadingun Topa thu sungah i sanggam, thuman takin na a sem Tikhikas in note kiangah thu khempeuh a cingin hong gen ding hi.

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

1 KORIN MASA 1:10

Sanggamte aw, note khatlekhat kithutuakin, pawl kikhenna omkha loin, na lungsim, na ngaihsutna uh le na ngimna uh na kikhatsak nadingun i Topa Jesuh Khrih min tawh ka hong thum hi.

ROM (Romans) 16:12

Topa’ na a sem Trifana le Trifosa, le Topa a dingin na tampi tak a sem ka lawm it Persis zong na hopih sak un.

Sawltak 15:6

Tua ahih manin hih thu a kikum dingin sawltakte le upate a kikhawm uh hi.

Sawltak 2:46

Nisimin biakinn-ah kikhawm uh a, a innte uhah an nekhawmin, lungdamna le kiniamkhiatna tawh a ne ciat uh hi.

Sawltak 2:1

Pentekos ni hong tun ciangin Jesuh a um mi khempeuh mun khatah kikhawm uh hi.

Mattiu 11:26

Pa aw, hih pen nangma deihna le na lungkimna bangin na hih ahi hi.