Biblia Todo Logo
Bib sou entènèt

- Piblisite -




Sawltak 15:23 - Tedim Bible

23 a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam, le Silisia gam a om thu upna sungah sanggam ahi Gentail mite tungah hopihna kam kong khak uh hi.

Gade chapit la Kopi

Tedim Bible Revision 2017

23 a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam le Silisia gam a om thu upna sungah sanggam ahi Gentail mite tungah hopihna kam kong khak uh hi.

Gade chapit la Kopi




Sawltak 15:23
21 Referans Kwoze  

“A Lian Menzipa aw, Keimah Klaudias Lysias in hopihna lai ka hong gelh hi.


Pasian le Topa Jesuh Khrih sila keimah James in Leitung mun khempeuhah kithehthangin a om minam sawm le nihte tungah hopihna lai ka hong gelh hi.


Tua lai panin Syria le Silisia gamah ka pai hi.


Tua ciangin sawltakte, upate, le pawlpi buppi in amau sung panin mi pawlkhat teelin Paul le Barnabas tawh Antiok khua-ah a paikhawmsak ding uh a vaihawm uh hi. Amaute tawh a paikhawm dingin thu um mite in a zahtakbawl mahmah mi nih, Barsabbas Judas le Silas teelkhia uh a,


Nang tawh kimu baih thei dingin kilamen ka hih manin, tuahun ciangin maitang kimu-in i kiho ding hi.


Teeltuam ahi hih lai-a om pawlpi mite in hopihna kam hong khak uh hi.


Tua ahih manin Khrih’ hilh ahi hih thute a hilh lo midang khatpeuh note kiangah a hong pai leh na inn uhah zong na tungsak kei unla, zong na hopih kei un.


Pa Pasian le a Tapa Jesuh Khrih in dikna, hehpihna, le nopsakna, eite tungah hong pia hen la, thuman le itna tawh tua thuphate khempeuh eite a’ hong hi tahen.


Syria gam le Silisia gam nawkin pai-in pawlpite hanthawnin a thahatsak hi.


Jerusalem khua a tun uh ciangin sawltakte, upate, le pawlpite in limtakin zin na do uh a, Pasian in na a seppihna thu, amaute kiangah a gen uh hi.


Judea gam panin Antiok khua-ah mi pawlkhat hong pai uh a, innkuan khat bangin a om thu um mite kiangah, “Moses Thukham sungah a kigen bangin na vun uh na at kei uhleh hotkhiatna na ngah kei ding uh hi,” ci-in thu hilh ding hong kipan uh hi.


Antiok khua a tun uh ciangin amaute in pawlpi mite khawm uh a, a khualzinna uhah Pasian in na a seppihna khempeuh le Gentail mite in zong thu a uptheih nadingun Pasian in lam a honsaknate khempeuh a gen uh hi.


Thu um Gentail mite tawh kisai-in ahihleh, amaute in milim biakna an khat peuhpeuh, sasi, le a si kiluangkhiasak loin gawlmek a kigo sate a nek loh nading uh, le numei tawh khialhna panin a kikep nading uh hoih hi, ci-in thu khensatin lai ka khak khinzo uh hi,” a ci uh hi.


Saipras tuikulh a kigal muhna mun ka tun uh ciangin tua tuikulh leitaw lampang kantanin Syria gam lam manawhin ka paisuak uh a, Taia khua ka tun uh ciangin teembaw in a van puakte suah ahih manin teembaw tung pan ka tuakkhia uh hi.


Korin khua-ah ni tampi sung thu um mite tawh Paul omkhawm lai a, tua khit ciangin amaute mangpha khakin Syria gam a zuan dingin Prisilla le Aquila tawh teembaw a tuang uh hi. Paul in Pasian tungah thuciamnasa nei ahih manin teembaw a tuan ma-un Korin khuapi teembaw khawlna Kenkhrea munah a sam a metsak hi.


Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.


Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.


Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.


Ahi zongin Saipras gammi le Sairin khuami thu um mi pawlkhatte Antiok khua-ah pai uh a, Topa Jesuh hanga Lungdamna Thu, Gentail mite kiangah zong a gen uh hi.


Hih thu huhau-in Paul le Barnabas, le hih mite kikalah nakpitakin thu kinialna omin thu kisel uh ahih manin, Paul le Barnabas le Antiok khua-a a om mi pawlkhatte Jerusalem khua-ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.


Swiv nou:

Piblisite


Piblisite