Sawltak 15:22 - Tedim Bible

²² Tua ciangin sawltakte, upate, le pawlpi buppi in amau sung panin mi pawlkhat teelin Paul le Barnabas tawh Antiok khua-ah a paikhawmsak ding uh a vaihawm uh hi. Amaute tawh a paikhawm dingin thu um mite in a zahtakbawl mahmah mi nih, Barsabbas Judas le Silas teelkhia uh a,

Tedim Bible Revision 2017

²² Tua ciangin sawltakte, upate le pawlpi buppi in amau sung panin mi pawl khat teelin Paul le Barnabas tawh Antiok khua ah a paikhawmsak ding uh a vaihawm uh hi. Amaute tawh a pai khawm dingin thu um mite in a zahtak bawl mahmah mi nih, Barsabbas Judas le Silas teel khia uh a,

Sawltak 15:22 Referans Kwoze

Sawltak 15:27

Tua ahih manin ka teel uh Judas le Silas kong paisak uh a, hih lai sunga ka gelh uh thute mah amau kam mahmah tawh hong gen ding uh hi.

Sawltak 15:40

Paul in zong Silas teel a, thu um mite in Topa’ khut sungah a ap khit uh ciangin,

1 PETER MASA 5:12

Thu upna sungah mi citakin ka ngaihsut Silas’ huhna tawh hih lai tomno gelhin amah ka hong puasak hi. Hih thute pen Pasian’ hong hehpihna taktak hi, ci-in teci pangin note ka hong hanthawn hi. Tua ahih manin hih thute-ah kipin om un.

2 THESALONIKA NIHNA 1:1

Keimah Paul, le Silas, le Timoti-te in: Pasian le Topa Jesuh Khrih sungah a om, Thesalonika khua-a om pawlpi mite tungah lai ka hong khak uh hi.

1 THESALONIKA MASA 1:1

Keimah Paul, le Silas, le Timoti in Pa Pasian le Topa Jesuh Khrih sungah a om Thesalonika khua-a om pawlpi mite tungah lai ka hong khak uh hi. Pasian in note tungah dikna le nopsakna thupha hong tungsak tahen.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Sawltak 15:32

Judas le Silas zong kamsangte mah hi uh a, thu um mite tawh sauveipi thu kikum uh a, amaute’ lungsim thanuam sakin a thahatsak uh hi.

Sawltak 1:23

Tua ciangin amaute in Josef (min dang nih a nei, Barsabbas le Justas zong a kici pa) le Matthias a pulak uh hi.

Sawltak 17:14

Tua ciangin thu um mite in tuipi gei-ah Paul paikhiatpih uh a, ahi zongin Silas le Timoti pen Berea khua-ah a taam lai uh hi.

Sawltak 17:10

Tua zan ciangin thu um mite in Berea khua-ah Paul le Silas a paisak uh hi. Tua khua a tun uh ciangin Jew mite kikhopna inn-ah a pai uh hi.

Sawltak 17:4

Mi pawlkhat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le uliante’ zi tampi mah in zong a pawlpih uh hi.

Sawltak 16:29

Thongcing pa in zong meivak a la dingin mi khat sawl a, thong sungah tai-in laukawm lingkawmin Paul le Silas khe kiang va kidenna-in a va boksuk hi.

Sawltak 16:25

Zankim laitakin Paul le Silas in Pasian kiangah thu ngenin la sa uh a, thongkia dangte in amau’ thungetna le lasaknate a ngai uh hi.

Sawltak 16:19

Tua numei’ tote in a sumngah nading uh beita hi, ci-in a phawk uh ciangin Paul le Silas man uh a, thukhente omna sumbuk tualah a kai uh hi.

Sawltak 15:25

Tua ahih manin kote kikhawmin thu ka kikum uh a, mi pawlkhat teelin no kiangah kong paisak ding uh ka kithukim uh hi. Tua ka teel uh mite pen i Topa Jesuh Khrih nasepna-ah a nuntakna uh a pia ngam i sanggam it Paul le Barnabas tawh kong paisak uh hi.

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam, le Silisia gam a om thu upna sungah sanggam ahi Gentail mite tungah hopihna kam kong khak uh hi.

Sawltak 11:22

Jerusalem-a om pawlpite in hih thu a zak uh ciangin Antiok khua-ah Barnabas a paisak uh hi.

Sawltak 8:14

Samaria mite in Pasian’ thu a sankhitna uh, Jerusalem-a om sawltakte in a zak uh ciangin amaute kiangah Peter le Johan a paisak uh hi.

2 KHANG TANGTHU NIHNATE 30:12

Topa’ thupiakna tawh kumpipa le uliante’ sawlna a sem dingin Judah mite tungah Pasian in lungsim kikhatna a guan hi.

2 KHANG TANGTHU NIHNATE 30:4

Hih geelna pen kumpipa le a kikhawm khempeuh a dingin hoih leh kilawm hi.

2 SAMUEL NIHNA 3:36

Tua ciangin mi khempeuh in tua thu thei uh a, tua in amaute lungdamsak hi. Kumpipa’ sep khempeuh in mi khempeuh lungdamsak hi.

Sawltak 11:19

Stefen a kithah huna bawlsiatna hangin thu um mite tampi kithehthang uh hi. Mi pawlkhatte Foenisia gam, Saipras gam, le Antiok khua ciang dong tung uh a, Jew mite kiang bekah Pasian’ thu a hilh uh hi.

Sawltak 11:20

Ahi zongin Saipras gammi le Sairin khuami thu um mi pawlkhatte Antiok khua-ah pai uh a, Topa Jesuh hanga Lungdamna Thu, Gentail mite kiangah zong a gen uh hi.

Sawltak 11:27

Tua hun pawl laitakin Jerusalem khua panin Antiok khua-ah kamsang pawlkhat paisuk uh hi.

Sawltak 15:3

Amaute a pai uh ciangin pawlpi mite in khuanawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 15:30

Tua bangin amaute paisak uh a, Antiok khua a tun uh ciangin thu um mi khempeuh khawmin amaute tungah a lai puak uh a pia uh hi.

2 KORIN NIHNA 1:19

Bang hang hiam cih leh Silvanas, Timoti, le keimah in note lakah a thu ka hong hilhhilh uh Pasian’ Tapa Jesuh Khrih pen hih ding a cihte hihlo ding ci-in a thu a kheel themthum pa hi lo a, hih ding a cihte hih ding mah hi pah hi.