Sawltak 15:2 - Tedim Bible

² Hih thu huhau-in Paul le Barnabas, le hih mite kikalah nakpitakin thu kinialna omin thu kisel uh ahih manin, Paul le Barnabas le Antiok khua-a a om mi pawlkhatte Jerusalem khua-ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Tedim Bible Revision 2017

² Hih thu huhau-in Paul le Barnabas le hih mite kikalah nakpi takin thu kinialna omin thu kiseel uh ahih manin, Paul le Barnabas le Antiok khua-a a om mi pawl khatte Jerusalem khua ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Sawltak 15:2 Referans Kwoze

Galati 2:5

Lungdamna thuman taktak pelem hetloin note a dingin a kipsuak theih nadingin amaute’ deihna themkhat zong ka zui het kei uh hi.

2 KORIN NIHNA 11:5

Note in sawltak thupi mahmahte hi, ci-in na ngaihsut uh mite sangin themkha zong a neuzaw-in ka kingaihsun het kei hi.

Sawltak 15:4

Jerusalem khua a tun uh ciangin sawltakte, upate, le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Sawltak 11:30

Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmahin ka om laitakin Pasian in ama mite tungah a tawntungin a kimang dingin khatvei bek a hong piak upna thu-ah note in na nawksuak nadingun hanthotna gelh ding a kisapna thu ka phawk hi.

1 KORIN MASA 1:1

Khrih Jesuh’ sawltak dingin Pasian in a hong teel keimah Paul le thu upna sungah i sanggam Sosthenes in,

Sawltak 21:18

A zing ciangin James kiangah Paul tawh ka hawh uh a, tua lai-ah pawlpi upa khempeuh a na om uh hi.

Sawltak 16:4

Thuhilhin a paina uh khua khempeuha thu um mite kiangah Jerusalem khua-a om sawltakte le upate in zuih dingin a khensat uh ngeinate gen kawikawi uh a, tua ngeinate a zuih nadingun a hanthawn uh hi.

Sawltak 15:27

Tua ahih manin ka teel uh Judas le Silas kong paisak uh a, hih lai sunga ka gelh uh thute mah amau kam mahmah tawh hong gen ding uh hi.

Sawltak 15:25

Tua ahih manin kote kikhawmin thu ka kikum uh a, mi pawlkhat teelin no kiangah kong paisak ding uh ka kithukim uh hi. Tua ka teel uh mite pen i Topa Jesuh Khrih nasepna-ah a nuntakna uh a pia ngam i sanggam it Paul le Barnabas tawh kong paisak uh hi.

Sawltak 11:12

Lunghiang loin amaute ka zuihpah nadingin Kha Siangtho in kei tungah hong gen khinzo hi. Joppa khua panin hih i sanggam gukte in zong Sisaria khua-ah hong zui uh a, ka vekpi-un Kornelias inn-ah ka lut uh hi.

Sawltak 10:23

Tua ahih manin amah tawh a giakkhawm dingin Peter in amaute a sam hi. A zing ciangin Peter zong kithawi-in amaute tawh paikhawm a, Joppa khua-a om thu um mi pawlkhatte in zong a zui uh hi.

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Paikhiatna 18:23

Hih bangin hih lecin Pasian in thahatna hong pia ding a, nangmah in na sem paisuakzo ding hi. Tua tham loin hih mite khempeuh zong amau’ omna-ah lungnuam takin ciah thei ding uh hi,” a ci hi.