Sawltak 15:11 - Tedim Bible

¹¹ Tua bangin i gamta het kei ding hi. Amaute mah bangin eite in zong i up manin Topa Jesuh hehpihna tawh hotkhiatna i ngah hi,” ci-in thu a gen hi.

Tedim Bible Revision 2017

¹¹ Tua bangin i gamta het kei ding hi. Amaute mah bangin eite in zong i up manin Topa Jesu hehpihna tawh hotkhiatna i ngah hi,” ci-in thu a gen hi.

Sawltak 15:11 Referans Kwoze

ROM (Romans) 3:24

Ahi zongin Pasian in a hong hehpihna hangin Khrih Jesuh tawh hong tatkhiat manin amah tawh i kipawlthei kik hi.

Titu 2:11

Bang hang hiam cih leh mi khempeuh in hotkhiatna a ngahtheih nadingun Pasian in ama hehpihna hong lak khinzo hi.

Galati 2:16

Ahi zongin Jesuh Khrih upna hang bek tawh Pasian tawh kipawl theihna kingahin, Thukham zuihna hang tawh kingah ngei lo hi, ci-in ka thei uh hi. Kote mahmah in zong, Khrih hangin Pasian tawh ka kipawl theih nadingun Jesuh Khrih ka um uh a, Thukham deihna ka zuihna hang uh tawh hi lo hi. Bang hang hiam cih leh Thukham zuihna hang tawh kuamah in Pasian tawh kipawl theihna ngah zo lo hi.

2 KORIN NIHNA 13:14

Topa Jesuh Khrih hong hehpihna thupha, le Pasian’ hong itna, le Kha Siangtho tawh kikholh theihna, note khempeuh tungah hong tung tahen.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

1 KORIN MASA 16:23

Topa Jesuh hong hehpihna thupha, note tungah hong tung tahen.

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesuh tawh i kipawl manin Pasian’ hong piakkhong pen nuntak tawntungna ahi hi.

ROM (Romans) 5:15

Ahi zongin Pasian’ hong piak letsong pen Adam’ mawhna tawh kibang lo ahih manin tua tegel tehkak theih ding hi lo hi. Tua mi khat a khialhna hangin mi tampi a sihna pen a man mah ahi hi. Ahi zongin Pasian’ hong itna le hong hehpihna nakpitakin lianzaw lai a, mi khat ahi tua Jesuh Khrih’ hehpihna hangin mi tampi tak tungah hong kipia letsong lian mahmah hi.

Galati 1:6

A hong hehpihna tawh Khrih hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.

Mangmuhna 5:9

Amaute inla thak khat sa uh a, “Nang Tuuno, tua laizial a lakhia ding le a ciamtehnate a lakhia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian a dingin mite na lei khin a,