Sawltak 15:1 - Tedim Bible

¹ Judea gam panin Antiok khua-ah mi pawlkhat hong pai uh a, innkuan khat bangin a om thu um mite kiangah, “Moses Thukham sungah a kigen bangin na vun uh na at kei uhleh hotkhiatna na ngah kei ding uh hi,” ci-in thu hilh ding hong kipan uh hi.

Tedim Bible Revision 2017

¹ Judea gam panin Antiok khua ah mi pawl khat hong pai uh a, innkuan khat bangin a om thu um mite kiangah, “Moses Thukham sungah a kigen bangin na vun uh na at kei uh leh hotkhiatna na ngah kei ding uh hi,” ci-in thu hilh ding hong kipan uh hi.

Sawltak 15:1 Referans Kwoze

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Sawltak 15:5

Ahi zongin Farisi mite sung panin thu um mi pawlkhat in, “Amaute in Moses Thukham zui-in, a vun uh a ki-at nading uh gen ding kisam hi,” a ci uh hi.

Kolose 2:8

Khrih thu tawh a kituak lopi-in, tangthu tuanthu ahi a, huihlak a ukte’ thu siksanin ahi zongin, bangmahin a kimang lo leitung pilna tawh mite’ khemsa-in sila na suahkhak loh nadingun kingaihsun un.

Siampi Laibu 12:3

A ni giat ni-in a naungek vun dawn ki-at ding hi.

Sawltak 15:24

Kote’ hong sawl lohpi-in ko kiang panin mi pawlkhat hong pai-in a thugenna uh tawh note hong buaisakin hong lung-amsak hi, ci-in ka za uh hi.

Johan 7:22

Moses in na tapate uh vun na at ding uh thu hong pia a, (a taktakin Moses thupiak mapekin na pu na pate un a palsat thu ahi hi) vun at ni ding le Sabbath ni a kituahkhak ciangin a vun na at veve uh hi.

Galati 2:1

Tuazawh kum sawm le li khit ciangin Barnabas tawh Jerusalem khua-ah ka paikik a, Titus zong ka tonpih hi.

Sawltak 15:3

Amaute a pai uh ciangin pawlpi mite in khuanawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 6:14

Hih Nazareth khuami Jesuh in biakinnpi phelgawpin, Moses tung pek panin a hong kipan ngeina khempeuh khelmang ding hi, ci-in a thuhilhna ka za uh hi,” a cisak uh hi.

Kolose 2:16

Tua ahih manin annek tuidawn, biakna pawite, Khadet pawi, le Sabbath ni tawh kisai-in kuamah in ngeina zuih ding bawl kei un.

Sawltak 21:20

Ama thugen teng a zakkhit uh ciangin a vekpi-un Pasian a phat uh hi. Tua ciangin Paul kiangah, “Sanggam aw, hih lai-ah na theih ding thu khat om hi. Hih lai-ah thu um Jew mi tampi tak om a, amaute in thukham nakzuih mahmah uh hi.

Sawltak 15:22

Tua ciangin sawltakte, upate, le pawlpi buppi in amau sung panin mi pawlkhat teelin Paul le Barnabas tawh Antiok khua-ah a paikhawmsak ding uh a vaihawm uh hi. Amaute tawh a paikhawm dingin thu um mite in a zahtakbawl mahmah mi nih, Barsabbas Judas le Silas teelkhia uh a,

Sawltak 1:15

Tua khit a sawt loin thu um mi zakhat le sawmnih bang a kikhop khawm laitakun Peter hong dingin thu hong gen a,

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam, le Silisia gam a om thu upna sungah sanggam ahi Gentail mite tungah hopihna kam kong khak uh hi.

Sawltak 15:32

Judas le Silas zong kamsangte mah hi uh a, thu um mite tawh sauveipi thu kikum uh a, amaute’ lungsim thanuam sakin a thahatsak uh hi.

Galati 6:12

Note in na vun uh na at nadingun a hong hahbawl mite in mihoih ahihna uh kilangsak nuamin, a kimuthei nate a kisialhpih mite ahi uh hi. Singlamteh tungah Khrih a sihna thu hangin amaute in bawlsiatna a ngah loh nadingun a tuaci gamtat ahi uh hi.