Sawltak 14:5 - Tedim Bible

⁵ Gentail mi le Jew mite in a uliante uh tawh kopin sawltakte bawlsia-in suang tawh den ding a vaihawm uh hi.

Tedim Bible Revision 2017

⁵ Gentail mi le Jew mite in a uliante uh tawh kopin sawltakte bawlsia-in suang tawh den ding a vaihawm uh hi.

Sawltak 14:5 Referans Kwoze

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul denggawp uh a, si khin hi, ci-in ngaihsun uh ahih manin khuanawlah a kaikhia uh hi.

2 TIMOTI NIHNA 3:11

bawlsiatna ka thuakna, gimna ka thuakna, le Antiok, Ikonium, le Lystra khuate-ah kei tunga thupiang, nasia takin bawlsiatna ka thuaknate na theih na phawksa ahi hi. Ahi zongin Topa in hih haksatnate khempeuh panin kei hong suaktasak hi.

Sawltak 17:5

Tua bangin mi tampi in Paul’ thugen a up uh ciangin Jew mite thangpai uh a, kongzing lakah a vakvai migilo honkhat kaikhawmin a pawlmat uh hi. Khuasung khempeuh buaisak henhanin, mihonte lakah Paul le Silas a kaihkhiat theih nadingun Jason’ inn a va simgawp uh hi.

Luka 6:28

No hong phuisamte thupha na pia unla, no hong bawlsiate a’ ding thu na ngetsak un.

Mattiu 5:44

Ahi zongin ke’n note kiangah kong genin-ah: Na galte uh na it unla, no hong bawlsiate a dingin thu na ngetsak un.

Late 83:5

Amaute in siatna ding geelin kithukhat uh a, nangmah hong langpangin thuciamna a bawl uh hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paul’ thugente a man lopi hi, ci-in Paul a gensia uh hi.

Sawltak 13:50

Ahi zongin Jew mite in tua khuasung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a taikhia sak uh hi.

Sawltak 14:2

Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

Sawltak 14:4

Tua khuasunga om mite pawl nih pha uh a, pawlkhat in Jew mite panpihin, pawlkhat in sawltakte a panpih uh hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihte’ suk ding lauhuaina, Gentail mite’ suk ding lauhuaina, khuapi sung le gamlakah lauhuaina, tuipi tungah lauhuaina, lawm man lote’ hih ding lauhuaina a tuamtuamte ka phukha hi.

1 THESALONIKA MASA 2:2

Note in na theihsa uh mah bangin Thesalonika khua ka hong tun ma-un Filippi khua-ah simmawh bawlna le maizumna ka thuak uh hi. Tua bangin nakpitakin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

1 THESALONIKA MASA 2:14

Tua ahih manin sanggamte aw, Judea gam sunga om, Khrih Jesuh thu a um, Pasian’ mi ahi mite in a thuak bangin note in zong a thuak na hi uh hi. Amaute in Jew mite’ bawlsiatna a thuak uh mah bangin note in zong note’ gam mite mah’ bawlsiatna na thuak uh hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amau’ mawhnasate a behlap niloh a suak uh hi. Ahi zongin a tawpna-ah Pasian’ hehna amaute tungah a tungta hi.