Sawltak 14:21 - Tedim Bible

²¹ Paul le Barnabas in Derbe khua-ah Lungdamna Thu hilh uh a, mi tampi in Pasian a um uh hi. Tua lai panin kileh kikin Lystra khua, Ikonium khua, le Pisidia gam a om Antiok khua-ah a pai uh hi.

Tedim Bible Revision 2017

²¹ Paul le Barnabas in Derbe khua ah Lungdamna Thu hilh uh a, mi tampi in Pasian a um uh hi. Tua lai panin kilehkikin Lystra khua, Ikonium khua le Pisidia gam a om Antiok khua ah a pai uh hi.

Sawltak 14:21 Referans Kwoze

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul denggawp uh a, si khin hi, ci-in ngaihsun uh ahih manin khuanawlah a kaikhia uh hi.

Sawltak 14:1

Ikonium khua a tun uh ciangin Paul le Barnabas zong Jew mite kikhopna inn-ah pai uh a, amaute’ thuhilhna hangin Jew mi le Gentail mi tampi tak in Pasian thu um uh hi.

Sawltak 13:51

Sawltakte in zong a khe uha leivui bangte sinkhiat sanin Ikonium khua-ah a pai uh hi.

2 TIMOTI NIHNA 3:11

bawlsiatna ka thuakna, gimna ka thuakna, le Antiok, Ikonium, le Lystra khuate-ah kei tunga thupiang, nasia takin bawlsiatna ka thuaknate na theih na phawksa ahi hi. Ahi zongin Topa in hih haksatnate khempeuh panin kei hong suaktasak hi.

Sawltak 14:6

Sawltakte in tua thu a theih uh ciangin Likaonia gam sunga om Lystra khua, Derbe khua, le tua gam kiima om khuate-ah tai uh a,

Sawltak 13:14

Ahi zongin Perga khua panin amaute paisuak uh a, Pisidia gam Antiok khua a tung uh hi. Sabbath ni-in kikhopna inn-ah pai-in a tu uh hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Sawltak 16:2

Lystra khua le Ikonium khua-a om thu um mite in Timoti pen a zahtak mahmah uh mi khat ahi hi.

Sawltak 15:36

Tawlkhat khit ciangin Paul in Barnabas kiangah, “Topa’ thu i hilhnasa khua tuamtuama i sanggamte kiangah va hawhkikin bang a cici uh hiam cih va en ni,” a ci hi.

Sawltak 14:8

A suahtung a kipanin lam a pai thei lo khezaw mi khat Lystra khua-ah a om hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Sawltak 14:7

tua a taina uh khuate-ah Lungdamna Thu a hilh uh hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai-ah a hong om ka hi uh hi.

Sawltak 14:26

Attalia khua panin teembaw tuang uh a, tu-a a zawh uh nasep a kipat nadingun Pasian’ khut sungah amaute a ki-apna Antiok khua a zuankik uh hi.