Sawltak 14:2 - Tedim Bible

² Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

Tedim Bible Revision 2017

² Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

Sawltak 14:2 Referans Kwoze

Sawltak 13:50

Ahi zongin Jew mite in tua khuasung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a taikhia sak uh hi.

Sawltak 17:5

Tua bangin mi tampi in Paul’ thugen a up uh ciangin Jew mite thangpai uh a, kongzing lakah a vakvai migilo honkhat kaikhawmin a pawlmat uh hi. Khuasung khempeuh buaisak henhanin, mihonte lakah Paul le Silas a kaihkhiat theih nadingun Jason’ inn a va simgawp uh hi.

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul denggawp uh a, si khin hi, ci-in ngaihsun uh ahih manin khuanawlah a kaikhia uh hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paul’ thugente a man lopi hi, ci-in Paul a gensia uh hi.

Sawltak 17:13

Berea khua-ah zong Paul in Pasian thu a hilhna a zak uh ciangin Thesalonika khua panin Jew mite hong pai-in Berea khua-ah zong mite hong holhthawh gawp uh hi.

Sawltak 18:12

Rom khutnuai-ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Johan 3:36

Tua ahih manin Tapa a um mi peuhmah nungta tawntung ding a, Tapa’ thu a mang lote in nuntak mu lo ding a, amaute tungah Pasian heh tawntung ding hi,” a ci hi.

Sawltak 1:15

Tua khit a sawt loin thu um mi zakhat le sawmnih bang a kikhop khawm laitakun Peter hong dingin thu hong gen a,

Sawltak 14:4

Tua khuasunga om mite pawl nih pha uh a, pawlkhat in Jew mite panpihin, pawlkhat in sawltakte a panpih uh hi.

Sawltak 14:5

Gentail mi le Jew mite in a uliante uh tawh kopin sawltakte bawlsia-in suang tawh den ding a vaihawm uh hi.

1 THESALONIKA MASA 2:14

Tua ahih manin sanggamte aw, Judea gam sunga om, Khrih Jesuh thu a um, Pasian’ mi ahi mite in a thuak bangin note in zong a thuak na hi uh hi. Amaute in Jew mite’ bawlsiatna a thuak uh mah bangin note in zong note’ gam mite mah’ bawlsiatna na thuak uh hi.