Sawltak 14:1 - Tedim Bible

¹ Ikonium khua a tun uh ciangin Paul le Barnabas zong Jew mite kikhopna inn-ah pai uh a, amaute’ thuhilhna hangin Jew mi le Gentail mi tampi tak in Pasian thu um uh hi.

Tedim Bible Revision 2017

¹ Ikonium khua a tun uh ciangin Paul le Barnabas zong Jew mite kikhopna inn ah pai uh a, amauteʼ thuhilhna hangin Jew mi le Gentail mi tampi tak in Pasian thu um uh hi.

Sawltak 14:1 Referans Kwoze

Sawltak 18:4

Sabbath ni simin kikhopna inn-ah limtakin thu gen a, Jew mi le Grik mite in thu a up nadingun a hanciam hi.

Sawltak 13:51

Sawltakte in zong a khe uha leivui bangte sinkhiat sanin Ikonium khua-ah a pai uh hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

Sawltak 14:21

Paul le Barnabas in Derbe khua-ah Lungdamna Thu hilh uh a, mi tampi in Pasian a um uh hi. Tua lai panin kileh kikin Lystra khua, Ikonium khua, le Pisidia gam a om Antiok khua-ah a pai uh hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khrih tawh na kipawlna hangun pawlkhat hi-in, a kibangkim na hi uh hi.

ROM (Romans) 10:12

Bang hang hiam cih leh Jew mi le Gentail mi a kideidanna om lo ahih manin Topa pen mi khempeuh’ Topa hi kim a, ama kiangah a ngen khempeuh tungah thupha tampi tak a pia hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Sawltak 19:8

Tua ciangin Paul in kikhopna inn sungah hangtakin kha thum sung thu hilh a, mite in Pasian’ Ukna thu a upzawh nadingun nakpitakin a gen hi.

Sawltak 18:8

Kikhopna inn ukpa Krispas le a innsunga om mi khempeuh in Topa thu um uh a, Korin khua-a om midang tampite in zong thuhilhna ngai-in um uh a, tui a kiphum uh hi.

Sawltak 17:12

Mi tampi in Pasian’ thu um a, tuate sungah a cithei Grik numei tampi le Grik mi pasal tampi a kihel uh hi.

Sawltak 17:4

Mi pawlkhat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le uliante’ zi tampi mah in zong a pawlpih uh hi.

Sawltak 13:43

Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasian’ hehpihna suangin kiptakin a om nadingun a gen uh hi.

Sawltak 11:21

Topa in nakpitakin amaute huh ahih manin mi tampi in thu umin Topa lamah a kihei uh hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

Sawltak 21:28

“Israel mite aw, hong huh un. Mun khempeuhah thu hilh kawikawi-in, Moses Thukham, le hih biakinn langpangin mi khempeuh kiangah Israel mite a hong gensia pa ahi hi. Tu-in Gentail mite nangawn biakinn sungah hong paipihin hih biakinn siangtho a ninsak hi,” ci-in a awng uh hi.

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

Sawltak 17:17

Tua ahih manin Pasian a bia Jew mite le Gentail mite tawh kikhopna inn sungah thu kikupna nei uh a, mihon kikhopna munah hong pai mi khempeuh tawh zong nisimin a kikum uh hi.

Sawltak 16:1

Paul paisuak lai-in Derbe khua tung a, tua panin Lystra khua a tung hi. Tua Lystra khua-ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Sawltak 14:2

Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

Sawltak 13:5

Saipras tuikulh-a om Salamis khua a tun uh ciangin Jew mite’ kikhopna innte-ah Pasian thu a hilh uh hi. Tua a nasepna uhah a huh dingin Johan Marka zong amaute tawh a omkhawm hi.

Johan 12:20

Pawi hun sungin Pasian bia dingin Jerusalem khua-ah a hong pai mite lakah Grik mi pawlkhat a om uh hi.

Johan 7:35

Tua ciangin Jew mi uliante khatlekhat kiho uh a, “I muh zawh loh dingin hih mipa koi lai-ah paisawm hi ding ahi hiam? Jew mite omna Grik khuapi tuamtuamte-ah pai-in Grik mite kiangah thu hilhsawm hi ding ahi hiam?

Kolose 3:11

Tua ahih manin Gentail mi le Jew mi, vun-at mi le vun-at loh mi, khuapi mi le khuaneu mi, sila le sila ahi lo, cih bangin a kilamdanna om lo a, Khrih pen mi khempeuh a’ ding hi thei a, thu khempeuh a’ ding hi thei a, thu khempeuhah amah bek ahi hi.

Galati 2:3

Kei tawh a kithuah Titus nangawn Grik mi hinapi-in a vun ki-atsak tuan lo hi.

Sawltak 19:10

Hih bangin kum nih sung tawntung thu gen niloh ahih manin Asia gam sunga om Jew mi le Gentail mi khempeuh in Topa’ thu a za uh hi.

Marka 7:26

Tua nupi pen Grik mi hi a, Syria gam Foenisia khua-a a suak ahi hi. A tanu sung panin dawi a hawlkhiatsak nadingin a hong thum hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Sawltak 14:19

Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul denggawp uh a, si khin hi, ci-in ngaihsun uh ahih manin khuanawlah a kaikhia uh hi.

Sawltak 16:2

Lystra khua le Ikonium khua-a om thu um mite in Timoti pen a zahtak mahmah uh mi khat ahi hi.

2 TIMOTI NIHNA 3:11

bawlsiatna ka thuakna, gimna ka thuakna, le Antiok, Ikonium, le Lystra khuate-ah kei tunga thupiang, nasia takin bawlsiatna ka thuaknate na theih na phawksa ahi hi. Ahi zongin Topa in hih haksatnate khempeuh panin kei hong suaktasak hi.