Sawltak 13:52 - Tedim Bible

⁵² Antiok khua-a om thu um mite ahihleh Kha Siangtho tawh kidimin lungdam mahmahin a om uh hi.

Tedim Bible Revision 2017

⁵² Antiok khua-a om thu um mite ahihleh Kha Siangtho tawh kidimin lungdam mahmah in a om uh hi.

Sawltak 13:52 Referans Kwoze

1 THESALONIKA MASA 1:6

Kote le Topa’ gamtat bangin note na gamta uh a, note in gimna nakpitakin thuaklawh napi-in Kha Siangtho’ huhna tawh lungdam takin thu umin na om uh hi.

ROM (Romans) 15:13

Kha Siangtho’ huhna tawh note’ lametna a khan semsem theih nadingin, lametna a hong piathei Pasian in, amah na upna uh hangin lungdamna le nopsakna tawh note hong kidimsak tahen.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Sawltak 4:31

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

2 KORIN NIHNA 8:2

Amaute in haksatna a tuamtuam phukha-in nakpitakin ze-etna thuakin, amaute zawng mahmah hita se le-uh lungdam mahmah uh ahih manin piakna lamsangah cingh thei mahmah uh hi.

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuakzawh hatna piangsak a,

Sawltak 2:4

Amaute khempeuh Kha Siangtho tawh kidim uh a, tua Kha in minam dangte’ pau tawh amaute a pau theisak hi.

Mattiu 5:12

Note a dingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Note’ hun ma-a kamsangte zong tua bangmahin a na kibawlsia ngei ahi hi.

1 PETER MASA 4:13

Tua bangin Khrih tawh thuakkhawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uhah na lungdamzaw un.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

ROM (Romans) 14:17

Bang hang hiam cih leh Pasian’ Ukna pen nekledawn tawh a kisai thu hi lo a, Kha Siangtho hangin i ngah Pasian’ deih bangin gamtatna, kilemna, lungdamna, cihte hizaw hi.

Sawltak 5:41

Uliante omna panin sawltakte paikhia uh a, Jesuh’ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Sawltak 2:46

Nisimin biakinn-ah kikhawm uh a, a innte uhah an nekhawmin, lungdamna le kiniamkhiatna tawh a ne ciat uh hi.

Sawltak 11:29

Tua lai-a om thu um mite in amau hihzawh zah ciat hanciamin Judea gam a om thu um mite kiangah huhna a puak nading uh a vaihawm uh hi.