Sawltak 13:5 - Tedim Bible

⁵ Saipras tuikulh-a om Salamis khua a tun uh ciangin Jew mite’ kikhopna innte-ah Pasian thu a hilh uh hi. Tua a nasepna uhah a huh dingin Johan Marka zong amaute tawh a omkhawm hi.

Tedim Bible Revision 2017

⁵ Saipras tuikulh a om Salamis khua a tun uh ciangin Jew miteʼ kikhopna innte ah Pasian thu a hilh uh hi. Tua a nasepna uh ah a huh dingin Johan Marka zong amaute tawh a om khawm hi.

Sawltak 13:5 Referans Kwoze

Sawltak 13:14

Ahi zongin Perga khua panin amaute paisuak uh a, Pisidia gam Antiok khua a tung uh hi. Sabbath ni-in kikhopna inn-ah pai-in a tu uh hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

Sawltak 19:8

Tua ciangin Paul in kikhopna inn sungah hangtakin kha thum sung thu hilh a, mite in Pasian’ Ukna thu a upzawh nadingun nakpitakin a gen hi.

Sawltak 18:4

Sabbath ni simin kikhopna inn-ah limtakin thu gen a, Jew mi le Grik mite in thu a up nadingun a hanciam hi.

Sawltak 17:17

Tua ahih manin Pasian a bia Jew mite le Gentail mite tawh kikhopna inn sungah thu kikupna nei uh a, mihon kikhopna munah hong pai mi khempeuh tawh zong nisimin a kikum uh hi.

Sawltak 14:1

Ikonium khua a tun uh ciangin Paul le Barnabas zong Jew mite kikhopna inn-ah pai uh a, amaute’ thuhilhna hangin Jew mi le Gentail mi tampi tak in Pasian thu um uh hi.

Sawltak 12:12

Hih thu a phawk khit ciangin Johan Marka nu Mary’ inn-ah a pai hi. Tua lai-ah mi tampi kikhawmin thu a na ngen uh hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

2 TIMOTI NIHNA 4:11

Luka bek kei kiangah om hi. Marka in nasepna-ah nakpitakin hong huhthei ahih manin na hong pai ciangin amah hong tonpih in.

Kolose 4:10

Kei tawh thong a kiakhawm Aristarkhas in note hong hopih hi. Barnabas’ sanggamnu’ tapa Marka in zong hong hopih hi (amah hong pai ciangin hoihtakin na pawlbawl un, ci-a hong kigen pa ahi hi).

Sawltak 15:37

Tua bangin a pai ding uh ciangin Barnabas in Johan Marka tonpih nuam a,

Sawltak 12:25

Barnabas le Saul in a nasep a man khit uh ciangin Jerusalem khua panin ciahkik uh a, Johan Marka zong a ciahpih uh hi.

1 KUMPI MASATE 19:21

Tua ciangin amah a zuihna panin ciahkik a, a bawngtal kolte la-in a bawngtalte go a, a sate bawngtal kolte tawh huanin mite tungah pia a, amaute in a ne uh hi. Tua ciangin amah kithawi-in Elijah’ nung zui a, ama na a sem hi.

Mattiu 20:26

Ahi zongin note lakah tua bang hi lo ding hi. Note lakah a lian ahi dingte note’ nasem hi ding a,

2 KUMPI NIHNATE 3:11

Tua ciangin Jehoshafat in, “Ama tungtawnin Topa’ tungah thu i dot theih nadingin hih lai-ah Topa’ kamsang om lo ahi hiam?” a ci hi. Tua ciangin Israel kumpipa’ nasemte khat in dawngin, “Elijah a huhpa om a, Shafat’ tapa Elisha ahi hi,” a ci hi.

1 KUMPI MASATE 19:3

Tua ciangin amah lau a, kithawi-in a suahtak nadingin paikhia a, Judah-te’ khua Beersheba tungin tua lai-ah a nasempa nusia hi.

Paikhiatna 24:13

Tua ahih ciangin ama nasempa Joshua tawh Moses kithawi uh a, Pasian’ mual tungah paito uh hi.

Sawltak 19:22

Tua ahih manin amah a huh Timoti le Erastas, Masedonia gamah paisak a, amah in Asia gam sungah tawlkhat hun a zang hi.

Sawltak 19:29

Khuasung khempeuhah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi-ah a kai uh hi.