Sawltak 13:48 - Tedim Bible

⁴⁸ Gentail mite in hih thu a zak uh ciangin lungdam mahmah uh a, Pasian’ thu hoih mahmah hi, ci-in a phat uh hi. Nuntak tawntungna a ngah dingin Pasian in a teelsa mite in Pasian’ thu hong um uh hi.

Tedim Bible Revision 2017

⁴⁸ Gentail mite in hih thu a zak uh ciangin lungdam mahmah uh a, Pasianʼ thu hoih mahmah hi, ci-in a phat uh hi. Nuntak tawntungna a ngah dingin Pasian in a teel sa mite in Pasianʼ thu hong um uh hi.

Sawltak 13:48 Referans Kwoze

Efesa 1:4

Ama mai-ah eite pen paubaanna a nei lo, mi siangthote ahi ding le Khrih hangin ama mite ahi dingin leitung a pianma pek nangawnin Pasian in a hong teelsa ihi hi.

ROM (Romans) 11:7

A thu omzia taktak hih bang ahi hi. Israel mi a tamzaw in a hanciamciam uh ngah lo uh hi. Pasian’ teel mi tawmkhat bek in ngah uh a, adangte in Pasian’ sapna thudon lo uh hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Johan 11:52

Jew mite a’ ding bek hi loin a kithehthang Pasian’ mi khempeuh pumkhat a suah nadingin a kikaihkhop nading thu zong a genkhol ahi hi.

Sawltak 2:41

Mi tampi in ama thugen umin tui kiphum uh a, tua ni-in mihing tulthum bang kibehlap uh hi.

Sawltak 22:10

Tua ciangin kei zong, ‘Topa aw, bangci gamtat ding ka hi hiam?’ ci-in ka dot ciangin amah in, ‘Tho inla, Damaskas khua-ah pai in. Nang’ hih dingin Pasian in a sehsa thu khempeuh, tua khua panin hong kigen ding hi,’ a hong ci hi.

Luka 7:8

Kei zong uliante’ khutnuai-ah hong kikoih mi khat ka hi a, keima khutnuai-ah zong galkapte a om hi. Khat kiangah, ‘Pai in,’ ci leng a pai hi. Khat kiangah, ‘Hong pai in,’ ci leng a hong pai hi. Ka nasempa kiangah, ‘Hih na sem in,’ ci leng zong sem hi,” a ci hi.

ROM (Romans) 13:1

A kuamah peuh in hong ukte’ thu na mang ciat un. Bang hang hiam cih leh Pasian’ thukimpih lohin kuamah in ukna thu nei lo hi; ukna thu nei i cih mite pen Pasian’ koih mite ahi hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasian’ Ukna thu gentel a, Jesuh’ thu man hi, ci-in a uptheih nadingun Moses Thukham le kamsangte’ laigelhte siksanin a gen hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Sawltak 20:13

Tua ciangin Paul in, Assos khua ciang dong khe-in pai ning, ci-in ko kiangah hong gen ahih manin, Troas khua panin teembaw tuangin Assos-ah ka pai uh a, tua khua-ah Paul tawh a kituah ding ka hi uh hi.

Mattiu 28:16

Nungzui sawm le khatte zong, Jesuh in a gensa bangin Galilee gam a mualtungah a pai uh hi.

Late 138:2

Na biakinn siangtho lamah kei ka kun a, na itna kip le na thumanna hangin na min kong phat hi. Bang hang hiam cih leh na dang khempeuh sangin na min le na thu a liatzawkna na lak hi.

2 THESALONIKA NIHNA 3:1

Sanggamte aw, tu-in note lak mah bangin mun dangah zong Topa’ thu manlang takin kizel pakin lungdam takin a kisan’ theih nadingin kote a’ ding thu hong ngetsak un.

1 KORIN MASA 16:15

Sanggamte aw, Stefanas-te innkuan pen Akhaia gam sunga thu um masa pente ahihna le Pasian’ mite a dingin nasem dingin a kipia mite ahihna thu na thei uh hi.

Sawltak 15:31

Mite in tua laikhak a sim uh ciangin a thu kigelhte hangin amaute thanuamin lungdam mahmah uh hi.

Sawltak 15:2

Hih thu huhau-in Paul le Barnabas, le hih mite kikalah nakpitakin thu kinialna omin thu kisel uh ahih manin, Paul le Barnabas le Antiok khua-a a om mi pawlkhatte Jerusalem khua-ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Sawltak 13:42

Kikhopna inn panin Paul le Barnabas a ciah ding uh ciangin, Sabbath ni kik ciangin hih thute mah hong gen lai un, ci-in mite in a vaikhak uh hi.

Sawltak 8:8

Tua ahih manin tua khuapi sunga om mite lungdam mahmah uh hi.

Mattiu 25:46

Tua ahih ciangin tawntung gimthuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Sawltak 13:12

Gam ukpa in hih thupiang a muh ciang le Topa thu a kigente a zak ciangin lamdangsa mahmahin Pasian a um hi.

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

Efesa 1:5

Pasian in Jesuh Khrih hangin ama mite ahi dingin eite a hong bawl ding a sehkholhsa hi a, tua bangin a hong bawl ding pen ama tupna le a utna ahi hi.

Efesa 1:11

Na khempeuh, Pasian’ ngaihsutna le a geelsa bangin a piang hi. A cil pek a kipanin a ngaihsutsa thu tawh kizui-in Khrih tawh i kipawlna hangin Pasian’ tate ihih nadingin Pasian mah in a hong sehsa ihi hi.