Sawltak 13:40 - Tedim Bible

^40-41 Tua ahih manin kamsangte in, ‘Pasian a thusim lo mite aw, lamdangsa lua-in na si ding uh hi. Na nuntak sungun note lakah ka sepkhiat ding uh thu pen mi khatpeuh in hong gen hileh na up hetloh ding uh thu ahi hi,’ ci-in a gen uh thute, note tungah hong pian’ khak loh nadingin kidawm un,” a ci hi.

Tedim Bible Revision 2017

^40-41 Tua ahih manin kamsangte in, ‘Pasian a thusim lo mite aw, lamdang sa lua-in na si ding uh hi. Na nuntak sungun note lakah ka sepkhiat ding uh thu pen mi khatpeuh in hong gen hileh na up het loh ding uh thu ahi hi,’ ci-in a gen uh thute, note tungah hong pian khak loh nadingin kidawm un,” a ci hi.

Sawltak 13:40 Referans Kwoze

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

Malakhi 3:2

Ahi zongin ama hong pai ni ciangin kua in thuakzo ding a, amah hong kilaak ciangin kua nungtazo ding ahi hiam? Amah pen, sikte a siangthosak mei, le puante a siangthosak satpiang tawh kibang hi.

Habakkuk 1:5

Tua ciangin Topa in a mite kiangah thu gen a, “No, a thuman lo ka minamte aw, na kiim uha a om minam dangte en dih un; lamdang na sa mahmah ding uh hi. Note kiangah thu hong kigen ciangin na up zawh hetloh ding uh thu lamdang khat tu-in a bawl ding ka hi hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Ezekiel 33:9

Nangmah in migilo pa khat hilhkhol napi-in a mawh gamtatna a khawl kei leh, tua mipa a mawhnei mahin si ding a, ahi zongin nang na suakta ding hi,” hong ci hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Johan 6:45

Kamsangte in a lai gelhna uhah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

Sawltak 7:42

Tua ahih manin kamsangte laibu sungah, ‘Israel mite aw, gamlakah kum sawmli sung, gan go-in biakna na piakte uh kei tunga nong piak uh hi lo hi. Note in na puak uh puanbuk pen Molok pasian milim puanbuk le note’ aksi pasian Refan’ puanbuk ahi hi. Tuate pen na biak dingun note’ bawltawm milim ahih manin Babylon khuapi khen pekah salin ka hong paisak ding hi,’ ci-in a kigelh mah bangin Pasian in amaute nungngat a, vana om aksite a bia dingin amaute a sawlkhia hi.

Sawltak 15:15

Kamsangte’ thugente zong tu-a tawh kituak mahmah hi. Lai Siangtho sungah,