Sawltak 13:39 - Tedim Bible

³⁹ Tua tham loin Jesuh a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

Tedim Bible Revision 2017

³⁹ Tua tham loin Jesu a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

Sawltak 13:39 Referans Kwoze

Galati 2:16

Ahi zongin Jesuh Khrih upna hang bek tawh Pasian tawh kipawl theihna kingahin, Thukham zuihna hang tawh kingah ngei lo hi, ci-in ka thei uh hi. Kote mahmah in zong, Khrih hangin Pasian tawh ka kipawl theih nadingun Jesuh Khrih ka um uh a, Thukham deihna ka zuihna hang uh tawh hi lo hi. Bang hang hiam cih leh Thukham zuihna hang tawh kuamah in Pasian tawh kipawl theihna ngah zo lo hi.

ROM (Romans) 10:4

Bang hang hiam cih leh upna a nei mi khempeuh Pasian tawh a kipawl theih nadingin Khrih in Thukham a beisak hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

Hebru 7:19

Moses Thukham ahi ngeina lui in a cingtaaksak zawh bangmah om lo ahih manin eite in Pasian i naih theih nading lametna ahi ngeina thak hong kithun hi.

ROM (Romans) 10:10

Bang hang hiam cih leh i lungsim ah i up taktakna hangin Pasian tawh kipawl theihna kingah a, i kamin i genna hangin hotkhiatna a kingah ahi hi.

ROM (Romans) 8:1

Ahi zongin tu-in ahihleh Khrih Jesuh tawh kipawlin a nungta mite pen mawhna thukhenna tawh kipelh hi.

ROM (Romans) 4:15

Thukham in Pasian’ heh nading piangsak hi. Ahi zongin thukham om kei leh thukham zui lo cih zong om thei lo hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasian’ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

ROM (Romans) 5:20

Khialhna a tam semsem nadingin thukham hong kipia hi. Ahi zongin khialhna a tamna munah Pasian’ hehpihna hong lianzaw zel hi.

ROM (Romans) 5:9

Ama sihna hangin tu-in Pasian tawh kipawlthei ihih manin Pasian’ hehna hangin gimna panin zong hong suaktasak zaw kan lai ding hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Hebru 10:11

Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi.

Hebru 10:4

Tua hi a, bawngtal sisan le keel sisan in mawhna siangsakzo ngei lo hi.

ROM (Romans) 5:1

Tu-in upna hangin Pasian tawh kipawl khinta ihih manin i Topa Jesuh Khrih hangin Pasian tawh a kilemkik ta ihi hi.

ROM (Romans) 4:24

Sihna panin i Topa Jesuh a hingsak pa a um eite khempeuh zong i upna hangin mihoihin hong kisang ding hi, ci-in eite a dingin zong a kigelh ahi hi.

Sawltak 10:43

Amah a um mite khempeuh in ama min hangin a mawhna uh a mai nading thu, kamsangte khempeuh in zong gen belin a neih khat uh ahi hi,” a ci hi.

Late 143:2

Na nasempa, thu hong sit kei in. Bang hang hiam cih leh nangma mai-ah mihing a dikzo kuamah om lo hi.

JOB (Job) 25:4

Pasian’ muhna-ah kua dikzo ding a, siangthozo ding ahi hiam?

JOB (Job) 9:20

Kei ka dik hangin keima kam mah siksanin kei hong man ding a, mawhbaang lo ka hih hangin keima kampau hong lehheisak ding hi.

Galati 5:3

Vun-atna a zang mi khempeuh in Thukham dang khempeuh zong a vekpi-in a zuih ding a tavuan ahihna thu teltakin phawk ta uh hen.

Galati 3:8

Jew mite mah bangin Gentail mite in zong a upna uh hangin amah tawh a kipawlthei dingin Pasian in a bawl nading thu, Lai Siangtho in na ma theih hi. Tua ahih manin Lai Siangtho in Abraham tungah Lungdamna Thuthak na ma hilhkhol a, “Pasian in leitung mi khempeuh thupha a piak nadingin nangmah hong zang ding hi,” na ci hi.

Galati 2:19

Thukham tawh kisai-in ahihleh Pasian a dingin ka nuntak theih nadingin tua Thukham mah in kei hong thatkhin ahih manin Thukham tawh kisai thu-ah misi bang ka hi hi. Singlamteh tungah Khrih a kithah lai-in kei zong amah tawh a sikhawm ka hi hi.

1 KORIN MASA 6:11

Note pawlkhat, tua bangin na gamta uh hi. Ahi zongin note pen i Topa Jesuh Khrih le i Pasian’ Kha Siangtho hangin mawhna panin a hong kisiangsak khinsa, Pasian’ tungah a kipiasa, Pasian tawh a kipawlsa mite na hi uh hi.

ROM (Romans) 9:31

Pasian tawh a kipawl theih nadingin thukham zuihna tawh hanciam napi-in a zuih zawh lohna hangun Israel mite kipawl thei lo ahihleh a bangci thu ahi hiam?

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Luka 18:14

Ke’n kong cihin-ah, hih mipa pen Pasian tawh a kilemsa-in a inn-ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiatsuk ding a, a kiniamkhiatte pen a lianin kibawl ding hi,” a ci hi.

Luka 10:28

Tua ciangin Jesuh in, “Na dawnna man mahmah hi. Tua bangin gamta lecin nuntak tawntungna na ngah ding hi,” a ci hi.

Luka 10:25

Jesuh a ze-et dingin Thukham hilh siate khat hong ding a, “Sia aw, nuntak tawntungna ka ngahtheih nadingin bang sem ding ka hi hiam?” ci-in a dong hi.

Habakkuk 2:4

Tua a hong tung ding thu pen ‘A gilo mite suakta lo ding a, thuman mite ahihleh Pasian tungah a cihtak manun nungta ding hi,’” a hong ci hi.

Jeremiah 31:32

Tua pen, a pu a pate uh, Egypt gam panin ka lakkhiat nadingin a khut uh tawh ka kaihkhiat huna ka bawl uh thuciamna tawh kibang lo ding hi. Tua hun lai-in kei amaute’ pasal hinapi-in ka thuciamna a hong palsat uh hi, Topa in kong ci hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

ROM (Romans) 3:20

Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zo lo hi.