Sawltak 13:34 - Tedim Bible

³⁴ Muatna a thuakkik ngei nawn lo dingin sihna panin amah a hinkiksakna tawh kisai-in Pasian in a thugenna-ah, ‘David tungah ka ciamsa mah bangin note tungah thupha siangtho kong pia takpi ding hi,’ ci hi.

Tedim Bible Revision 2017

³⁴ Muatna a thuakkik ngei nawn lo dingin sihna panin amah a hinkiksakna tawh kisai-in Pasian in a thugenna ah, ‘David tungah ka ciam sa mah bangin note tungah thupha siangtho kong pia takpi ding hi,’ ci hi.

Sawltak 13:34 Referans Kwoze

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

ROM (Romans) 6:9

Bang hang hiam cih leh sihna panin Khrih kihingkiksak khin a, si kik ngei nawn lo ding hi. Ama tungah sihna in vangliatna nei nawn lo hi, ci-in i thei hi.

Sawltak 13:37

Ahi zongin Pasian in sihna panin a hinkiksak Jesuh in muatna thuak lo hi.

Zekhariah 12:8

Tua ni ciangin Topa in Jerusalem-a a teng mite hu ding a, a ginalo pente nangawn David zahin thahat ding hi. David’ suanlekhakte in Topa’ vantungmi le Pasian mahmah bangin amaute a makai ding uh hi.

Amos 9:11

Tua ciangin inn tawh kibangin a siasa David ukna gam keimah in ka puahkik ding a, a vang teng hu-in, a sia teng ka puahkik ding a, a nidanga a ngeina lui mah uh ka bangsakkik ding hi.

Jeremiah 33:26

Jakob le ka nasempa David’ suante ka nial ding a, Abraham, Isaac, le Jakob’ suante a uk dingin amaute’ lakah mi khat zong a teello ding mah ka hi hi. Ahi zongin tu-in tua bang hi loin amaute ka hausakkik ding a, ka hehpih ding hi,” a hong ci hi.

2 SAMUEL NIHNA 23:5

Hi hi, ka innkuan zong Pasian tawh tua bangmah hi lo ahi hiam? Bang hang hiam cih leh amah in tawntung thuciamna kei tawh hong bawl a, na khempeuh a hoih a kipin hih hi. Bang hang hiam cih leh keimah hong huhin, ka deihna khempeuh tangtungsak ding hi lo ahi hiam?

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Jeremiah 30:9

Topa, amau’ Pasian’ na ahi a, amaute’ kumpipa-in ka koih ding David’ na ahi zongin a semzaw ding uh hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Sawltak 13:30

Ahi zongin Pasian in sihna panin amah hingkiksak a,