Sawltak 13:3 - Tedim Bible

³ Amaute in zong an tangin, a lu tung uhah a khut uh nga-in thu a ngetsak khit uh ciangin a kuankhia sak uh hi.

Tedim Bible Revision 2017

³ Amaute in zong an tangin, a lu tung uh ah a khut uh nga-in thu a ngetsak khit uh ciangin a kuan khiasak uh hi.

Sawltak 13:3 Referans Kwoze

Sawltak 6:6

Amaute in sawltakte kiangah hih mite paipih uh a, sawltakte in a lu tung uhah a khut uh nga-in thu a ngetsak uh hi.

2 TIMOTI NIHNA 2:2

Mi tampite’ theihin ka thuhilh, na zaksa thu khempeuh, midangte a hilhsawn thei dingin a citak mite tungah hoihtakin a zuih dingun na hilh in.

1 TIMOTI MASA 4:14

Kamsangte’ thugennate le upate in na tungah a khut uh nga-in thu hong ngetsakna ahi nangma hihtheih siamnate na valkhongsak kei in.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sapsa ahih manin kei a dingin Barnabas le Saul hong piakhia un,” a ci hi.

3 JOHAN THUMNA 1:8

Tua ahih manin Pasian thuman nasepna-ah nasem khawm mite ihih theih nadingin ei Khristiante in hih bang mite i huh ding ahi hi.

1 TIMOTI MASA 5:22

Topa’ na a sem dingin kipsakna-in khut nga-in thungetna pen kuama tungah zang mengmeng kei in. Midang a khialte tawh khialkhawm kha kei inla, siangtho takin na omtheih nadingin limtakin kikem in.

ROM (Romans) 10:15

A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.

Sawltak 14:26

Attalia khua panin teembaw tuang uh a, tu-a a zawh uh nasep a kipat nadingun Pasian’ khut sungah amaute a ki-apna Antiok khua a zuankik uh hi.

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amaute’ muan ahi Topa’ khut sungah tua mite a ap uh hi.

Gamlak-vakna 27:23

amah in ama tungah a khutte nga-in, Topa in ama tungah a gen bangin Joshua tungah za a pia hi.

2 TIMOTI NIHNA 1:6

Tua ahih manin nang tungah ka khut nga-in thu ka hong ngetsak lai-in nangma tungah Pasian in hong piak siamna na sosuah nadingin ka hong phawksak hi.

Sawltak 15:40

Paul in zong Silas teel a, thu um mite in Topa’ khut sungah a ap khit uh ciangin,

3 JOHAN THUMNA 1:6

Amaute na limbawlna thu, hih lai-a pawlpite kiangah hong gen uh hi. I biak Pasian’ deihna tawh kituakin a khualzinna uh nuamtakin a zoptheih nadingun na huh in.

Sawltak 9:17

Tua ahih manin Ananias zong pai a, inn sungah a lutkhit ciangin Saul lu tungah a khut nga a, “Sanggam Saul aw, hih lai-ah nong pai lai-in nangma tungah a hong kilang Jesuh mahmah in kei hong sawl hi. Nangmah in khua muthei kikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

Luka 2:37

kum sawmgiat le kum li sung meigongin a om ahi hi. Amah pen biakna a nusia ngei lo mi khat hi a, a sun a zanin Pasian bia-in an tangin thu a ngenngen mi khat ahi hi.

Sawltak 1:24

Tua ciangin amaute in thu ngen uh a, “Mihing khempeuh’ lungsim sung thu a thei Topa aw, ama om nadingin a kilawm munah a om dingin sawltak nasep panin a hong paisan Judas tang dingin, hih mi nih sung panin na teel penpen hong hilh in,” a ci uh hi.

Sawltak 13:4

Kha Siangtho’ sawlna mah bangin Seleusia khua-ah paisuk uh a, tua khua panin teembaw tuangin Saipras tuikulh-ah a pai uh hi.