Sawltak 13:26 - Tedim Bible

²⁶ “Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.

Tedim Bible Revision 2017

²⁶ “Abrahamʼ suan ka behte le Pasian a bia Gentail mi khempeuh aw, hih hotkhiatna thu pen eite adingin Pasian in a hong puak ahi hi.

Sawltak 13:26 Referans Kwoze

Kolose 1:5

Thu dang na zakma un, lungdamna thuman taktak na zak uh ciangin lametna na nei uh hi. Note a dingin vantungah a hong kikoihsak tua lametna hangin note in muanna le itna a nei na hi uh hi.

Efesa 1:13

Note in zong hotkhiatna a hong ngahsakthei Lungdamna Thu a man za-in Khrih na up uh ciangin, Pasian in a hong ciamsa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

Luka 1:77

Na mawhna uh hong kimaisak khit ciangin, hotkhiatna na ngah ding uh hi, ci-in ama mite kiangah na gen ding hi.

Luka 1:69

A nasempa David’ suante sung panin eite a dingin Vanglian Honpa hong pia hi.

Isaiah 46:13

Suahtakna ding hun ka hong tungsak ta a, gamla nawn lo hi. Ka hong hotkhiat ding hun zekai nawn lo ding hi. Keima minthanna ahi Israel a dingin Jerusalem ka honkhia ding hi,” a ci hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

Sawltak 13:43

Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasian’ hehpihna suangin kiptakin a om nadingun a gen uh hi.

Sawltak 10:35

kua mi kua mi hitaleh amah zahtakin a manin a gamta mi khempeuh a sanna thu teltakin ka thei hi.

Sawltak 5:20

“Biakinn-ah pai unla, hih nuntak thakna thu mite kiangah va gen un,” ci-in a vaikhak hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Mattiu 10:6

Tuu bangin a mangthang Israel mite lakah va paizaw un.

Mattiu 3:9

‘Abraham’ suante ihi ngawn hi,’ cihna lungsim nei mawk kei un. Ke’n kong cihin-ah, Pasian in hih suangte nangawn Abraham’ suanlekhakte-in a bawl thei hi lel hi.

Sawltak 16:17

Tua numei in Paul le kote hong zui-in, “Hih mite, A Lianpen Pasian’ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Sawltak 3:26

Eite khempeuh i gitlohna panin kikheelin thupha a hong piaktheih nadingin Pasian in a Nasem dingin Jesuh teelin, eite kiangah a hong sawl masa ahi hi,” ci-in thu a gen hi.

Sawltak 28:28

Tua ciangin Paul in, “Tua ahihleh tu-in Gentail mite tungah Pasian’ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Isaiah 48:1

Israel min tawh a kilo, Judah sung panin a piangkhia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Isaiah 41:8

Ahih hangin nang ka nasem pa Israel, ka lawm Abraham’ suanlekhak, ka hong teelsa Jakob aw,

2 KHANG TANGTHU NIHNATE 20:7

Kote’ Pasian aw, hih gamah a teng mite na mi Israel-te’ mai-ah hawlkhia-in, na lawmpa Abraham’ suanlekhakte tungah a tawntung dingin pia hi lo na hi hiam?

Johan 6:68

Simon Peter in, “Topa aw, ciah le ung kua kiang zuan mawk ding ka hi uh hiam? Nangmah in nuntak tawntung nading thu na nei hi.

Sawltak 10:2

Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpitakin na sem a, Pasian kiangah thu a ngen tawntung mi khat ahi hi.

Sawltak 22:5

Hih ka thugente a man ahihna thu, siampi lianpen pa le upa khempeuh in hong genthei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piaktheih nadingun tua khua-a om thu um mite manin sikkhau khihin Jerusalem khua-ah a ciahpih dingin ka va pai hi.