Sawltak 13:22 - Tedim Bible

²² Pasian in kumpi dingin Saul a zat nawn loh ciangin amaute’ kumpi dingin David a semsak hi. Pasian in David’ thu genin, ‘Ka sawl khempeuh a sem ding, ka deih bang mi khat, Jessi’ tapa David ka mukhin hi,’ a cihsa thu ahi hi.

Tedim Bible Revision 2017

²² Pasian in kumpi dingin Saul a zat nawn loh ciangin amauteʼ kumpi dingin David a semsak hi. Pasian in Davidʼ thu genin, ‘Ka sawl khempeuh a sem ding, ka deih bang mi khat, Jessiʼ tapa David ka mu khin hi,’ a cih sa thu ahi hi.

Sawltak 13:22 Referans Kwoze

1 KUMPI MASATE 15:5

Bang hang hiam cih leh Hit mi Uriah thu-ah cih simloh ama nuntak sung tawntung Topa’ mitah David a manin gamta-in a thupiakte khat peuhpeuh panin amah pial lo hi.

1 SAMUEL MASA 16:13

Tua ciangin Samuel in a sathau biing sunga sathau la-in a sanggamte laizangah amah sathau a nilh hi. Tua ni a kipanin Topa’ kha in khauhtakin David hong uk hi. Tua ciangin Samuel dingin Ramah-ah a ciah hi.

1 SAMUEL MASA 16:1

Topa in Samuel kiangah, “Israel-te tungah kumpi hihna panin amah ka nolhkhitna mu napi-in Saul’ hangin bang tanvei dah ding na hi hiam? Na sathau biingah sathau thun inla, pai in; Bethlehem mi Jessi kiangah kong sawl ding hi. Bang hang hiam cih leh ama tapate lak panin keima-a’ ding kumpi khat ka la khin hi,” a ci hi.

1 SAMUEL MASA 15:28

Tua ciangin Samuel in ama kiangah, “Topa in Israel-te’ kumpi gam nang’ tung panin tuni-in balkhia-in nang sangin a hoihzaw na vengpa tungah pia khin hi.

1 SAMUEL MASA 15:26

Tua ciangin Samuel in Saul kiangah, “Nang tawh kong kilehkik kei ding hi; bang hang hiam cih leh nangmah in Topa’ thu na nial khin a, Israel-te’ tungah kumpi hihna panin Topa in nang hong nolh khin hi,” a ci hi.

Sawltak 7:46

David in Pasian’ maipha ngah ahih manin, Jakob Pasian a dingin biakinn khat a vaihawm sak nadingin Pasian kiangah a ngen hi.

1 KUMPI MASATE 15:3

Ama mai-a a pa’ khialhna khempeuh amah in zui hi. A pusawn David a thuman bangin Topa a Pasian’ tungah a lungsim thuman bup lo hi.

2 SAMUEL NIHNA 7:8

“Tua ahih ciangin tu-in ka nasempa David kiangah hih bangin na gen ding hi. ‘Vanglian Topa in hih bangin ci hi: Ka mi Israel-te tungah ulian dingin lonona mun, tuute na zuihna panin nang kong la hi.

2 SAMUEL NIHNA 2:4

Tua ciangin Judah mite hong pai-in amaute in tua lai munah Judah kumpi dingin David sathau a nilh uh hi. Amaute in David kiangah, “Saul a vuite pen Jabeshgilead mite hi,” ci-in a gen uh ciangin

1 SAMUEL MASA 15:23

Bang hang hiam cih leh lehdona pen aisan mawhna bangmah hi a, lungkhauhna pen mawhna le milim biakna mah a bang ahi hi. Nangmah in Topa’ thu nial khin na hih manin, amah in zong kumpi hihna pan nang hong nolh khin hi,” a ci hi.

Sawltak 15:8

Mihingte’ lungsim sungthu a thei Pasian in Gentail mite in zong thu a uptheih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Jeremiah 33:26

Jakob le ka nasempa David’ suante ka nial ding a, Abraham, Isaac, le Jakob’ suante a uk dingin amaute’ lakah mi khat zong a teello ding mah ka hi hi. Ahi zongin tu-in tua bang hi loin amaute ka hausakkik ding a, ka hehpih ding hi,” a hong ci hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

1 KHANG TANGTHU MASATE 10:13

Tua ahih ciangin Saul a thuman lohna hangin a si hi. Amah in Topa’ thupiakna a zuih lohna, le vankah khat thu dongin a lamlah ding a zonna,

2 SAMUEL NIHNA 7:15

Ahih hangin nangma ma-a ka hepkhiat Saul’ tung panin ka lakkhiat bangin ama tung panin ka itna kip ka lakhia kei ding hi.

1 SAMUEL MASA 31:6

Tua bangin Saul, a tapa thumte, a galhiam puapa, le a mi khempeuh, a ni kikhatin a sikhawm uh hi.

1 SAMUEL MASA 15:11

“Kumpi-in Saul ka koih ka kisik hi. Bang hang hiam cih leh amah pen keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi.

1 SAMUEL MASA 12:25

Ahih hangin note na gamtat siat lai uhleh, note le na kumpipa uh, na nihun hong kiphiatkhia ding hi,” a ci hi.

Ezekiel 34:23

Amaute a cing dingin ka nasempa David ka koih ding a, amah in amaute hoihtakin an vakin a kem ding hi.

Jeremiah 33:21

keimah le ka nasempa David tawh ka thuciamna kisia pan ding a, amah in a kumpi tokhom luah ding tapa nei loin, ka na a sem ding siampi Levi minamte tawh ka thuciamna zong a kisia hi pan ding hi.

1 SAMUEL MASA 28:16

Tua ciangin Samuel in, “Topa, nang kiang panin kiheikhia-in na gal suak khin ahih ciangin bang hangin kei thu hong dong lai na hi hiam?

Sawltak 13:36

David in ama hun lai-in Pasian’ deihna bangin na sem a, a sih ciangin a pu a pate gei mahah kisialin muatna a thuak hi.

1 KHANG TANGTHU MASATE 2:12

Boaz pen Obed’ pa, Obed pen Jessi’ pa ahi hi.