Sawltak 13:2 - Tedim Bible

² Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sapsa ahih manin kei a dingin Barnabas le Saul hong piakhia un,” a ci hi.

Tedim Bible Revision 2017

² Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sap sa ahih manin kei adingin Barnabas le Saul hong pia khia un,” a ci hi.

Sawltak 13:2 Referans Kwoze

Galati 1:15

Ahi zongin Pasian in a hong hehpihna tawh ka suahma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilhtheih nadingin kei tungah a Tapa hong kilatsak hun laitakin kuama kiangah thu dongin ka pai kei a,

Sawltak 9:15

Ahi zongin Topa in Ananias kiangah, “Gentail mite, kumpite, le Israel mite tungah keima min a kitheisak ding, keima na a sem dingin teelkhin ka hih manin ama kiangah va pai in.

2 TIMOTI NIHNA 1:11

Hih a thak Lungdamna Thu hilhin a taangko ding le sawltak na a sem dingin kei a hong kikoih ahi hi.

1 KORIN MASA 12:11

Hih siamna a tuamtuamte a hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasian’ teelna tawh sawltak ahi, Jesuh Khrih’ sila keimah Paul in lai ka hong khak hi.

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

Sawltak 22:21

Tua ciangin Topa in kei kiangah, ‘Gentail mite omna gamlapi-ah hong sawl ding ka hih manin pai peuh in,’ hong ci hi,” a ci hi.

Sawltak 14:26

Attalia khua panin teembaw tuang uh a, tu-a a zawh uh nasep a kipat nadingun Pasian’ khut sungah amaute a ki-apna Antiok khua a zuankik uh hi.

Daniel 9:3

An ngawlin, puanhampi silhin, vut lakah tu-in, Topa’ kiangah deih takin thu ka ngen hi.

Kolose 4:17

Tua ciangin Arkhippas kiangah, “Pasian a dingin nasepna nang tungah hong kipia pen hoihtakin na zo in,” ci-in na gen un.

Luka 2:37

kum sawmgiat le kum li sung meigongin a om ahi hi. Amah pen biakna a nusia ngei lo mi khat hi a, a sun a zanin Pasian bia-in an tangin thu a ngenngen mi khat ahi hi.

1 SAMUEL MASA 2:11

Tua ciangin Ramah-a a inn-ah Elkanah a ciah hi. Ahi zongin naupang in siampi Eli’ omna-ah Topa’ na a sem hi.

2 TIMOTI NIHNA 2:2

Mi tampite’ theihin ka thuhilh, na zaksa thu khempeuh, midangte a hilhsawn thei dingin a citak mite tungah hoihtakin a zuih dingun na hilh in.

Efesa 3:7

Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi.

Sawltak 13:3

Amaute in zong an tangin, a lu tung uhah a khut uh nga-in thu a ngetsak khit uh ciangin a kuankhia sak uh hi.

Sawltak 10:30

Kornelias in, “Tuni tawh sim tuma ni li lai-in tubang hun nitak nai thum laitakin ka inn-ah thungenin ka om hi. Tua bangin thungenin ka om laitakin puanpak mahmah a silh mi khat ka mai-ah hong dingvat a,

Sawltak 10:19

Tua bangin Peter in a maang muh lungngaingai-in a om laitakin Kha Siangtho in, “En in, mihing thum in nang hong zong uh hi.

Sawltak 8:29

Tua laitakin Kha Siangtho in Filip kiangah, “Pai inla tua leeng mai-ah va om in,” ci-in a sawl hi.

Mattiu 9:38

Tua ahih manin ama an a la dingin an nei Topa in nasem tampi hong sawl nadingin thu ngen un,” a ci hi.

Mattiu 6:16

“An na tan’ uh ciangin a kineihkhem mite bangin maikhingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan’ thaman uh a ngah khinta ahih lamtak limtakin thei un.

Thu-hilhkikna 10:8

Tua hun laitakin Topa in, tuni dongin ama na a sem ding le ama min tawh thupha a pia dingin Topa’ mai-ah dingin, Topa’ thuciamna singkuang a pua dingin Levi minamte a tuam koih hi.

Hebru 5:4

Tua bangin pahtawina a nei siampi lianpen nasep pen a sem dingte amau utthu tawh a kisehtawm mawk hi lo hi; siampi lianpen a sem dingin amahmah a kisehtawm hi lo a, Aaron a kisap mah bangin Pasian in amah a seh ahi hi.

2 TIMOTI NIHNA 4:11

Luka bek kei kiangah om hi. Marka in nasepna-ah nakpitakin hong huhthei ahih manin na hong pai ciangin amah hong tonpih in.

2 TIMOTI NIHNA 4:5

Ahi zongin nang na hih leh thu khempeuhah na lungsim ki-ukin haksatnate na thuak inla, Pasian’ thugen nasep semin, na nasepna-ah maa na tun in.

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

2 KORIN NIHNA 6:5

Kote hong kisatin, thongah hong kikhia-in, mihonpi in hong hihgawp uh hi; nakpitakin na semin, an ne lo, ihmu lo liangin ka om uh hi.

1 KORIN MASA 7:5

Thungetna-in hun na zattheih nadingun tawlkhat sung tuam om ding thukim khawm masa lopi-in lupkhop ding kinialkha kei un. Tua bangin tawlkhat sung na tuam om khit uh ciangin note’ pumpi’ deihna hangin Satan’ ze-etna sungah na pukkhak loh nadingun a ngeina bangin lupkhop ding kipan kik un.

ROM (Romans) 15:16

Gentail mite tungah na a sem dingin Khrih Jesuh sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasian’ tungah a piak, ama santheih biakpiaknate a suahtheih nadingin Pasian kiang panin a hong pai Lungdamna Thu ka hilhna-ah siampi bangin na ka sem hi.

ROM (Romans) 10:15

A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Sawltak 6:4

Tua hileh kote in ka hun khempeuh uh thungetna le thuhilhna-in kong zang thei ding uh hi,” a ci uh hi.

1 KHANG TANGTHU MASATE 16:4

Tua tham loin amah in Topa’ Thuciamna Singkuang mai-ah na semin thu a ngen ding, lungdamna a ko ding, le Israel Pasian, Topa a phat dingin Levi mite pawlkhat a seh hi.

Luka 10:1

Tua khit ciangin Jesuh in ama pai nading khua le mun khempeuhah nih nihin a na pai dingin mi sawmsagih seh a, ama mai-ah a mapaisak hi.

Sawltak 4:36

Tua hi a, Saipras tuikulh-a suak, Levi mi Josef, sawltakte in Barnabas (Hanthawn Siampa a cihnopna) min a phuah pa in,

Sawltak 13:4

Kha Siangtho’ sawlna mah bangin Seleusia khua-ah paisuk uh a, tua khua panin teembaw tuangin Saipras tuikulh-ah a pai uh hi.

Mattiu 17:21

Thungetna le antanna tawh lobuang, thudang tawh hih bangte kihawlkhia thei lo hi,” ci-in a dawng hi.