Sawltak 13:19 - Tedim Bible

¹⁹ Pasian in Kanaan gam sungah mi nam sagih a suksiat khit ciangin kum zali le kum sawmnga sung bang ama mite a luahsak hi.

Tedim Bible Revision 2017

¹⁹ Pasian in Kanaan gam sungah minam sagih a suksiat khit ciangin kum za li le kum sawm nga sung bang ama mite a luahsak hi.

Sawltak 13:19 Referans Kwoze

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, le Jebus mite, note sangin lianzaw-in a thahatzaw minam sagihte note’ mai panin siangkhiasakin,

Late 78:55

Amau’ mai panin midangte hawlkhia-in, amaute’ luah ding neihsa hawmsak a, Israel minamte amau’ buk sungah a tengsak hi.

Sawltak 7:45

Tua khit ciangin i pute in amau’ pate tung panin a ngah uh tua puanbuk pen amau’ ten nading gam a la dingin a kuan uh ciangin na pua uh a, Pasian in amaute’ mai-ah tua gam mite hawlkhiatsak ahih manin tua gam a luah uh ciangin a puanbuk zong a na tunpih uh hi. Tua ahih manin David’ hun ciang dong tua puanbuk na om hi.

Joshua 19:51

Hihte pen siampi Eleazar le Nun tapa Joshua le Israel minam beh lutangte in kikhopna bukkong, Topa’ mai Shiloh-ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.

Joshua 14:1

Hihte pen, siampi Eleazar, Nun tapa Joshua, le Israel minam sung pan beh lutangte in amaute tungah a piak, Kanaan gam sungah Israel mite’ ngah gamhte ahi hi.

Late 135:11

Amor kumpipa Sihon, Bashan kumpipa Og le Kanaan kumpite a that hi.

Nehemiah 9:24

A suan a khakte uh tua gamah lutin a lak uh ciangin, amau’ mai-ah tua gam a teng Kanaan mite na nuaisiah a, a ut bang bangun a bawl dingun a kumpite le a mite amau’ khut sungah na pia hi.

Joshua 24:11

Tua ahih ciangin Jordan galkhatah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite, le Jebus mite in zong note hong do uh a, ahi zongin note’ khut sungah amaute kong pia hi.

Joshua 23:4

En un, Jordan panin nitumna lama Tuipi Lian dong, a omlai minamte pen ka zawhsa minamte tawh na minamte uh gamh dingin note tungah kong pia khin hi.

Joshua 18:10

Joshua in amaute a dingin Topa’ mai Shiloh-ah ai sansak hi. Tua ciangin Joshua in amau’ tanh ding ciat Israel-te tungah leitang a pia hi.

Piancilna 17:8

Nangma tung le nang’ khit cianga na suanlekhakte tungah tawlkhat na omna Kanaan leitang khempeuh na neih tawntung dingun kong pia ding a, kei pen amaute’ Pasian ka hi ding hi,” a ci hi.

Piancilna 12:5

Abram in ama zi Sarai, a sanggampa’ tapa Lot, amau’ kaihkhopsa neihsa khempeuh, le Haran-a amau’ neih sila khempeuh samin, Kanaan gamah a pai dingin amaute ding khia uh a, tua gam a tung uh hi.

Thukhente 11:26

Heshbon le a khuaneute, Aroer le a khuaneute, le Arnon gun panga om khuapite khempeuh sungah Israel-te a ten kum zathum hun sung tengin bang hangin lakik lo na hi hiam?

1 KUMPI MASATE 6:1

Egypt gam panin Israel mite a paikhiat zawh kum zali le kum sawmgiatna, Israel-te tungah Solomon’ uk a kum lina, a kha nihna ahi Ziv kha-in amah in Topa’ biakinn lam ding kipan hi.

Isaiah 34:17

Amah in amaute a dingin leitang hawmsak ding a, amau’ tanh ding ciat a pia ding hi. Amaute in tua gam nei tawntung ding uh a, khang khat pan khang khat dongin teng paisuak ding uh hi.