Sawltak 13:17 - Tedim Bible

¹⁷ Hih Israel mite’ biak Pasian in ko Israel mite’ pu le pate na na teel a, Egypt gamah peemta-in a om sungun minam lian khatin a na bawl hi. Pasian in ama vangliatna tawh Egypt gam panin amaute na paikhiatpih a,

Tedim Bible Revision 2017

¹⁷ Hih Israel miteʼ biak Pasian in ko Israel miteʼ pu le pate na na teel a, Egypt gamah peemta-in a om sungun minam lian khatin a na bawl hi. Pasian in ama vangliatna tawh Egypt gam panin amaute na paikhiatpih a,

Sawltak 13:17 Referans Kwoze

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Micah 6:4

Bang hang hiam cih leh Egypt gam panin note kong paikhiatpih a, salsuahna panin ka hong honkhia hi. Note a hong makai dingin Moses, Aaron, le Miriam ka hong sawl hi.

Amos 2:10

No ka mihingte, Egypt gam pek panin hong paikhiatpihin, gamlakah kum sawmli sung kong makaih a, note a dingin Amor mite’ gam kong pia hi.

Isaiah 44:1

Topa in, “Ka nasempa Jakob aw, ka teelsa Israel aw, tu-in za in.

Late 135:4

Bang hang hiam cih leh Topa in ama a dingin Jakob teel a, ama neihsa dingin Israel teel khinta hi.

1 SAMUEL MASA 4:8

Gimna ngah hi ta hang! Kua in hih a thahat pasian-te’ khutsung panin eite hong honkhiazo ding ahi hiam? Hihte pen gimna a tuamtuamte tawh gamlakah Egypt-te a vatgawp pasian-te ahi hi.

Thu-hilhkikna 14:2

Bang hang hiam cih leh note pen Topa na Pasian uh tungah a siangtho mite na hi uh a, leitung a om mite khempeuh sung panin ama neih dingin Topa in note hong teel ahi hi.

Thu-hilhkikna 10:22

Na pu na pate uh mihing sawmsagih bek Egypt-ah paisuk uh a, ahi zongin tu-in Topa na Pasian un vantung aksi zahin note hong tamsak hi.

Thu-hilhkikna 9:5

Na thumanna hang uh ahi a, na lungsim manna hang uh tawh ahi zongin amau’ leitang a luah ding na hi kei uh hi. Topa na Pasian un na mai panun amaute a hawlkhiatna pen hih minamte’ gitlohna hang le Topa in na pu na pate uh Abraham, Isaac, le Jakob tungah a thuciamna kammal a kipsak theih nading ahi hi.

Thu-hilhkikna 7:19

na mitte un a muhsa a lian ze-etnate, limte, na lamdangte, a vangliatna le Topa na Pasian un hong paikhiatpihna a thahatna na phawk ding uh hi. Topa na Pasian un na kihtak uh mi khempeuh tungah tua bangin hih ding hi.

Thu-hilhkikna 4:37

Amah in na pate uh itin, amau’ suanlekhakte hong teel a, amahmah in ama vanglian tawh Egypt panin note hong paikhiatpih a,

Thu-hilhkikna 4:34

Tua ahih kei leh, Topa na Pasian un Egypt gam sungah note a dingin na muhna uhah a bawlte khempeuh tawh a kibangin, ze-etna, lim, nalamdang, gal, a vanglian le a thahatna le a lauhuai mahmah tawh pasian dang khat peuhpeuh in ama mite a dingin minamdang khat sung pan minam khat a va lak ding hanciam ngam ngei ahi hiam?

Thu-hilhkikna 4:20

Ahih hangin Topa in tuni-a bangin sik meikhuk tawh a kibang Egypt panin ama neih mi dingin note hong la-in hong paikhiatpih khin hi.

Paikhiatna 18:11

Topa pen pasian dang khempeuh sangin a liatzawkna tu-in ka thei hi. Bang hang hiam cih leh mite tungah kiphatsakna tawh Egypt mite a gamtat lai takin amah in Egypt mite’ khutnuai panin mite khahkhia hi,” a ci hi.

Paikhiatna 13:16

Tua pen na khut tunga om ciaptehna lim ahih kei leh na mitte’ kikal-a talsuante bang hi ding hi. Bang hang hiam cih leh Topa in a vangliatna tawh Egypt panin eite hong paikhiatpih hi,” a ci hi.

Paikhiatna 13:14

Hong pai ding hunah na tapa in, ‘Hih pen bang a cihnopna ahi hiam?’ ci-in nang hong dot ciangin, nangmah in ama kiangah, ‘Salsuahna, Egypt panin Topa in vangliatna tawh kote hong paikhiatpih hi.

Paikhiatna 12:51

Tua ni teekteekin Topa in Israel mite a honpi-un Egypt gam panin a paikhiatpih hi.

Paikhiatna 14:8

Topa in Egypt kumpipa Faro’ lungsim khauhsak a, Israel mite kithamuanna tawh a paikhiat lai takun a delh hi.