Sawltak 13:15 - Tedim Bible

¹⁵ Kikhopna inn ukte in Moses Thukham Laibu sung le kamsangte’ laibute a sim khit uh ciangin amaute kiangah, “Sanggamte aw, mihonte tungah hanthotna kam na gennop uhleh thu nong gen ding uh ka deih uh hi,” a cisak uh hi.

Tedim Bible Revision 2017

¹⁵ Kikhopna inn ukte in Moses Thukham Laibu sung le kamsangteʼ laibute a sim khit uh ciangin amaute kiangah, “Sanggamte aw, mihonte tungah hanthotna kam na gen nop uh leh thu nong gen ding uh ka deih uh hi,” a cisak uh hi.

Sawltak 13:15 Referans Kwoze

Hebru 13:22

Sanggamte aw, hih ka hong laigelh pen sau khollo ahih manin hih ka hong hanthotna thute limtakin na ngaih nadingun ka hong thum hi.

Sawltak 15:21

Bang hang hiam cih leh Sabbath nisimin kikhopna innte-ah Moses Thukhamte kisim ngitnget a, khua khempeuhah Moses thugente mah hilh belin kinei hi,” a ci hi.

Marka 5:22

Tua laitakin kikhopna inn a uk, Jairas a kici mi khat hong pai a, Jesuh a muh ciangin a khe phungah bokin,

1 KORIN MASA 14:3

Ahi zongin Pasian’ thu a hilhte pen mite tungah thugen hi a, mite tungah huhna, hanthotna, le hehnepna a pia ahi hi.

ROM (Romans) 12:8

Midangte hanthot theih nading siamna a nei ihih leh midangte hanthawn ni. Midangte hop theih nading a nei ihih leh citna taktak tawh hawm ni. Makaih theih nading siamna a nei ihih leh hoihtakin na sem ni. Midangte hehpih theih nading a nei ihih leh maitai takin hih ni.

Sawltak 22:1

“Pate, ute, khangualte aw, hih thu-ah bangmah ka mawh lohna thu kong gen laitakin na ngai un,” a ci hi.

Sawltak 18:17

Amaute in kikhopna inn ukpa Sosthenes manin, zum mai-ah satgawp uh a, ahi zongin Gallio in themkhat zong phamawh sa lo hi.

Sawltak 13:27

Jerusalem khua-a a teng mite le a makaite un Jesuh pen Honpa ahih lamtak na thei lo uh a, Sabbath nisimin a kisim niloh kamsangte’ thu zong na tel lo uh hi. Amaute in Jesuh na mawhsak uh ahih manin kamsangte’ thugente a manin hong tung hi.

Sawltak 20:2

Hih gam sungah khualzinin hanthotna tampi a genkhit ciangin Grik gamah pai a,

Sawltak 18:8

Kikhopna inn ukpa Krispas le a innsunga om mi khempeuh in Topa thu um uh a, Korin khua-a om midang tampite in zong thuhilhna ngai-in um uh a, tui a kiphum uh hi.

Sawltak 15:7

Sauveipi a kisel khit uh ciangin Peter hong ding a, “Lawmte aw, Gentail mite in Pasian’ thu za-in a uptheih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teelkhiatna thu na thei uh hi.

Sawltak 7:2

Stefen in, “Ute pate aw, ka thugen hong ngai un. I pupi Abraham, Haran khua-ah a tenma, Mesopotamia gamah a om lai-in, ama kiangah a minthang Pasian kilang a,

Sawltak 2:37

Amaute in hih thu a zak uh ciangin a lungsim uh nakpitakin sukha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Sawltak 2:29

“Sanggamte aw, note’ theih dingin i pupi David’ thu a teltakin kong gen ding hi. Amah si-in kivui a, a han zong tu mahmahin eite kiangah omlai hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangte’ pau tawh amaute a pau theisak hi.

Sawltak 1:16

“Lawmte aw, Jesuh a mante lam a lak Judas thu, Kha Siangtho in David’ kam panin a genkholhna Lai Siangtho sung thu a tun ding kisam hi.

Luka 16:16

“Tuiphumpa Johan’ hun ciang dong Moses Thukham le kamsangte’ thugente pen zuih belin kinei a, ahi zongin Pasian’ Ukna hangin Lungdamna Thu a kihilh hun a kipanin hih thu-ah mi khempeuh hong kituhteh uh hi.

Sawltak 4:36

Tua hi a, Saipras tuikulh-a suak, Levi mi Josef, sawltakte in Barnabas (Hanthawn Siampa a cihnopna) min a phuah pa in,

2 KORIN NIHNA 3:14

Amaute’ lungsim khauh ahih manin tu dongin bangmah thei tuan loin om uh a, thuciamna lui laibu a sim uh ciangin puan tawh liah bangmahin bangmah mu thei lo, theithei lo uh hi. Bang hang hiam cih leh mi khatpeuh Khrih tawh a kipawl ciang bekin a muhtheih nadingin a kiliahna puan a kilakhia pan ahi hi.

1 THESALONIKA MASA 2:3

Kote in thu ka hong hilh uh ciangin thuman lo, ngimna hoih lo le khemnopna lungsim tawh a hong hilh ka hi kei uh hi.